कणकवली : एसएम यश

तायक्वांदो, निबंध स्पर्धेत
एसएम हायस्कूलचे यश
कणकवली, ता. ३० : कणकवली शहरातील एस. एम. हायस्कूलच्या विद्यार्थ्यांनी तायक्वांदो स्पर्धा आणि निबंध स्पर्धेत यश संपादन केले आहे. क्रीडा व युवक सेवा संचालनालय महाराष्ट्र राज्य पुणे अंतर्गत ओरोस येथे झालेल्या जिल्हास्तरीय तायक्वांदो स्पर्धेमध्ये एस.एम. हायस्कूलची शरयू पाटील हिने १४ वर्षांखालील गटामध्ये प्रथम क्रमांक मिळवला. तिची निवड कोल्हापूर येथे होणाऱ्या विभागस्तरीय स्पर्धेसाठी झाली. तर ''मोबाईल फोन शाप की वरदान'' या ऑनलाइन निबंध स्पर्धेत प्रशालेची वैदेही प्रधान हिने तृतीय क्रमांक पटकावला आहे.
यशस्वी विद्यार्थिनींचे तसेच त्यांना मार्गदर्शन करणाऱ्या शिक्षकांचे कणकवली शिक्षण संस्था कणकवलीचे कार्याध्यक्ष डॉ.एस. सी.सावंत, सचिव डी. एम. नलावडे, उपकार्याध्यक्ष डॉ.एस. एन.तायशेटे, उपकार्याध्यक्ष एम.ए. काणेकर, मुख्याध्यापक जी.एन. बोडके, शिक्षक, शिक्षकेतर कर्मचारी यांनी अभिनंदन केले आहे.