ःजरांगेंच्या उपोषणात मराठा महासंघ सहभागी

-ratchl१५.jpg-
२५N८८७१९
मुंबई ः आझाद मैदानातील आंदोलनात सहभागी झालेले जिल्ह्यातील मराठा महासंघाचे पदाधिकारी.
-------

जरांगे यांच्या आंदोलनात मराठा महासंघ
सकाळ वृत्तसेवा
चिपळूण, ता. १ ः मराठा समाजाला आरक्षण मिळावे, या मागणीसाठी मनोज जरांगे पाटील यांनी सुरू केलेल्या उपोषणाला दिवसेंदिवस जनआंदोलनाचे स्वरूप येत आहे. मुंबईतील आझाद मैदानावर सुरू असलेल्या या आंदोलनात हजारो मराठा बांधव सहभागी होत असून, अखिल भारतीय मराठा महासंघानेदेखील यात सक्रिय सहभाग घेतला आहे.
रत्नागिरी जिल्हाध्यक्ष संदीप सावंत आपल्या सहकाऱ्यांसह आंदोलनस्थळी दाखल झाले. यावेळी त्यांनी घोषणाबाजी करत मराठा आरक्षणाचा जोरदार पाठिंबा व्यक्त केला. मराठा समाजाला आरक्षण मिळालेच पाहिजे, जोपर्यंत हा प्रश्न मार्गी लागत नाही तोपर्यंत महासंघाचा संघर्ष सुरू राहील, असे सावंत यांनी स्पष्ट केले. जिल्हाध्यक्ष सावंत यांच्या नेतृत्वाखाली रत्नागिरीतील कार्यकर्त्यांनी आंदोलनात उतरून जरांगे पाटील यांच्या मागण्यांचे समर्थन केले.