सिंधुदुर्गवासीयांना अभिप्रेत काम करा

swt27.jpg
N88850
कणकवली ः पालकमंत्री नीतेश राणे यांनी जिल्हाधिकारी तृप्ती धोडमिसे यांचे स्वागत केले.

सिंधुदुर्गवासीयांना अभिप्रेत
काम करा ःपालकमंत्री राणे
जिल्हाधिकारी तृप्ती धोडमिसे यांचे स्वागत
सकाळ वृत्तसेवा
सिंधुदुर्गनगरी, ता. २ ः सिंधुदुर्ग जिल्हाधिकारीपदी नुकत्याच नियुक्त झालेल्या तृप्ती धोडमिसे यांनी आज जिल्ह्याचे पालकमंत्री नीतेश राणे यांची औपचारिक भेट घेतली. यावेळी जिल्ह्यातील प्रलंबित प्रश्न, चालू प्रकल्प, जनतेच्या सुविधा तसेच आगामी विकास आराखड्यांवर चर्चा झाली. पालकमंत्री राणे यांनी नूतन जिल्हाधिकाऱ्यांचे स्वागत करताना, जिल्ह्याच्या सर्वांगीण विकासासाठी समन्वयाने काम करून नागरिकांना दिलासा देणारे निर्णय घेणे, हे आपले ध्येय असावे, असे मार्गदर्शन केले.
याप्रसंगी जिल्हा प्रशासनामध्ये कृत्रिम बुद्धिमत्तेचा उपयोग, जिल्ह्यातील पायाभूत सुविधा उभारणी, पर्यटन विकास, शिक्षण क्षेत्रातील सुधारणा तसेच रोजगार निर्मिती या मुद्द्यांवर विशेष भर देण्यात येईल. जनतेच्या मूलभूत गरजा पूर्ण करण्यासाठी व शासकीय योजना प्रभावीपणे राबविण्यासाठी प्रशासन कटिबद्ध असल्याचे जिल्हाधिकारी धोडमिसे यांनी स्पष्ट केले.