संक्षिप्त

श्रृंगारतळीतील खड्डे भरले
गुहागर ः गुहागर-विजापूर महामार्गावरील श्रृंगारतळी बाजारपेठेतील फुल मार्केट या ठिकाणी रस्त्यावर खड्डयांचे साम्राज्य निर्माण झाले होते. हे खड्डे गणेशोत्सवापूर्वी तत्काळ न भरल्यास गुहागर मनसेचे उपजिल्हाध्यक्ष विनोद जानवळकर यांनी खड्डयात वृक्षारोपण करण्याचा इशारा दिला होता. अखेर मनसेच्या या दणक्यानंतर सदरचे खड्डे तत्काळ भरण्यात आले. या ठिकाणाहून प्रवास करताना वाहन चालकांसह प्रवासी व नागरिक यांना नाहक त्रास सहन करावा लागत होता. मनसेचे गुहागर तालुका संपर्क अध्यक्ष प्रमोद गांधी, उपजिल्हाध्यक्ष विनोद जानवरकर, तालुकाध्यक्ष सुनील हळदणकर व अन्य पदाधिकारी यांनी दोन दिवसात खड्डे न भरल्यास वृक्षारोपण करू असा इशारा अधिकाऱ्यांना दिला होता.