सौरऊर्जेवर चालणारी पहिली फूड व्हॅन खेडात

-rat४p४.jpg-
२५N८९३८५
खेड ः फूड व्हॅन प्रकल्पाचे उद्‍घाटनप्रसंग तरुण उद्योजक प्रवीण शिर्के.
------------
खेडमध्ये सौरऊर्जेवरील फूड व्हॅन
खेड, ता. ४ : मुख्यमंत्री रोजगार निर्मिती अभियानातील ३५ टक्के अनुदानातून तरुण उद्योजक प्रवीण शिर्के यांना फूड व्हॅन प्रकल्प सुरू करून देण्यात आला आहे. हा उपक्रम भारतीय राष्ट्रीय मजदूर काँग्रेसचे महाराष्ट्र युवक अध्यक्ष किरण तायडे यांच्या सहकार्याने विनामोबदला सुरू करण्यात आला. त्याचे उद्‍घाटन उत्तर रत्नागिरी काँग्रेसच्या जिल्हाध्यक्षा सोनललक्ष्मी घाग यांच्या हस्ते झाले. ही फूड व्हॅन सौरऊर्जेवर (सोलर पॅनल) चालणारी आहे.
राज्यातील पहिली गाडी आहे. ही अभिनव गाडी खेड तालुक्याचे सुपुत्र प्रणव मापुस्कर यांनी तयार केली असून, रत्नागिरी जिल्ह्यासाठी ही अभिमानाची बाब असल्याचे मान्यवरांनी नमूद केले. या प्रसंगी जिल्हाध्यक्षा घाग म्हणाल्या, राष्ट्रीय नेते खासदार राहुल गांधी यांचे स्वप्न म्हणजे तरुणांना रोजगार मिळावा. मोदी सरकारच्या चुकीच्या जीएसटी धोरणामुळे व्यापारी व दुकानदार संकटात सापडले आहेत. त्यांना वाचवण्याची जबाबदारी काँग्रेस पक्ष घेणार आहे. रत्नागिरी जिल्हा त्या पावलावर चालतो आहे.