कोलगाव जुन्या महामार्गावरील धोकादायक खड्डे अखेर बुजविले

90040

कोलगाव जुन्या महामार्गावरील
धोकादायक खड्डे अखेर बुजविले
सकाळ वृत्तसेवा
सावंतवाडी, ता. ७ ः जुन्या मुंबई-गोवा महामार्गावर कोलगाव आयटीआयच्या ठिकाणी पडलेले भगदाड अखेर बांधकाम विभागाकडून बुजविण्यात आले. प्रवासी, स्थानिकांच्या जीवितास यामुळे धोका निर्माण झाला होता. पालकमंत्री नीतेश राणे यांच्या कार्यालयाकडून याची दखल घेत तत्काळ कार्यवाही करण्याचे आदेश दिले होते. अखेर आज हे भगदाड बुजवत रस्ता वाहतुकीसाठी पूर्ववत करण्यात आला. प्रवासी व स्थानिकांना या भगदाडाचा नाहक त्रास होत होता. यामुळे एकेरी वाहतूक सुरू असल्याने अपघाताची शक्यता निर्माण झाली होती. याबाबत वृत्त प्रसारित झाल्यानंतर पालकमंत्री राणे यांच्या कार्यालयाकडून त्याची दखल घेत तत्काळ कार्यवाहीचे आदेश बांधकाम विभागाला दिले. यानंतर आज ही दोन्ही भगदाडे तत्काळ बुजवून रस्ता वाहतुकीसाठी निर्धोक करण्यात आला आहे.‌ यामुळे स्थानिकांसह प्रवाशांतून समाधान व्यक्त केले जात आहे. सामाजिक बांधिलकी प्रतिष्ठानच्या माध्यमातून देखील यासाठी बांधकाम विभागाला आंदोलनाचा इशारा देण्यात आला होता.