दसरा दिवाळीसाठी विशेष गाडी धावणार
दसरा दिवाळीसाठी
विशेष गाडी धावणार
कणकवली, ता. ८ः दसरा दिवाळीसाठी कोकण रेल्वे मार्गावर विशेष गाडी धावणार आहे. मुंबईहून केरळला जाणाऱ्या प्रवाशांसाठी मध्य रेल्वेने लोकमान्य टिळक टर्मिनस (LTT) ते तिरुवनंतपुरम उत्तर (TVN) पर्यंत २० विशेष साप्ताहिक फेऱ्या जाहीर केल्या आहेत. या विशेष ट्रेनमुळे दसरा आणि दिवाळीदरम्यान कोकण आणि केरळला जाणाऱ्या प्रवाशांना मोठा लाभ होईल.
गाडी क्रमांक ०१४६३ ही लोकमान्य टिळक टर्मिनस ते तिरुवनंतपुरम उत्तर अशी धावणार आहे. ही गाडी दर गुरुवारी सायंकाळी ४ वाजता लोकमान्य टिळक टर्मिनस येथून सुटेल. दुसऱ्या दिवशी रात्री ८.४५ वाजता तिरुवनंतपुरम उत्तर येथे पोहोचेल. या गाडीच्या फेऱ्या २५ सप्टेंबर ते २७ नोव्हेंबरपर्यंत असतील. परतीसाठी गाडी क्रमांक ०१४६४ ही गाडी तिरुवनंतपुरम उत्तर ते लोकमान्य टिळक टर्मिनस अशी धावणार आहे. ही गाडी दर शनिवारी सायंकाळी ४.२० वाजता तिरुवनंतपुरम उत्तर येथून सुटेल.
दुसऱ्या दिवशी रात्री ९.५० वाजता लोकमान्य टिळक टर्मिनस येथे पोहोचेल. या गाडीच्या फेऱ्या २७ सप्टेंबर ते २९ नोव्हेंबरपर्यत असतील. या विशेष ट्रेनला कोकण आणि दक्षिणेकडील अनेक महत्त्वाच्या स्थानकांवर थांबा आहे. त्यामुळे अनेक प्रवाशांना याचा फायदा होईल. यात ठाणे, पनवेल, चिपळूण, रत्नागिरी, कणकवली, सावंतवाडी रोड, मडगाव, कारवार, मंगळूर, कासारगोड, कन्ननोर, कालीकट, एर्नाकुलम टाउन आणि कोलम या प्रमुख स्थानकांचा समावेश आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.