कुडाळ येथे आज ''तारका'' डान्स शो

N91040

कुडाळात आज ‘तारका-नृत्याचा सुरेख प्रवास’
कुडाळ, ता. १२ ः येथील मराठा समाज हॉलमध्ये उद्या (ता.१३) सायंकाळी सहा वाजता चिमणी पाखरं डान्स अकॅडमीतर्फे ‘तारका-नृत्याचा सुरेख प्रवास’ या विशेष डान्स शोचे आयोजन केले आहे. हा कार्यक्रम सर्वांसाठी मोफत आहे, अशी माहिती अकॅडमीचे सल्लागार सुनील भोगटे आणि अध्यक्ष, नृत्य दिग्दर्शक रवी कुडाळकर यांनी पत्रकार परिषदेत दिली.
चिमणी पाखरं अकॅडमीने यंदा आपल्या २१ व्या वर्षात पदार्पण केले असून, त्यानिमित्त हा विशेष शो आयोजित करण्यात आला आहे. पत्रकार परिषदेवेळी शोचे निर्माते उमेश पाटील, सौ. स्वाती पाटील, सौ. वेदिका सावंत, नृत्यांगना दिक्षा नाईक, निखिल कुडाळकर, तन्मय आईर यांच्यासह सर्व कलाकार उपस्थित होते. दोन तास चालणाऱ्या या कार्यक्रमात विविध प्रकारचे नृत्याविष्कार सादर केले जाणार आहेत. नृत्यांगना सिमरन नायर, दिक्षा नाईक, संजना पवार, साक्षी परब, दुर्वा परब, विशाखा धामापूरकर, तनिषा नाईक, सलोनी सावंत, अंतरा ठाकूर, प्राची जाधव, युक्ती हळदणकर, चिन्मयी सावंत, निधी केळुसकर, प्राची पाटकर व निखिल कुडाळकर यांचा या शोमध्ये सहभाग आहे.