शिरगाव मत्स्य अभियांत्रिकीत दीक्षारंभ कार्यक्रम

rat२८p७.jpg-
P२५N९४९२८
शिरगाव-मत्स्य अभियांत्रिकी तंत्रनिकेतन येथे राष्ट्रीय शिक्षण धोरणांतर्गत ‘दीक्षारंभ’ कार्यक्रमात मार्गदर्शन करताना प्राचार्य डॉ. केतन चौधरी सोबत विद्यार्थी.

मत्स्य अभियांत्रिकीत दीक्षारंभ कार्यक्रम
सकाळ वृत्तसेवा
रत्नागिरी, ता. २९ ः विद्यार्थ्यांनी ज्ञान, कौशल्य आणि सकारात्मक वृत्ती यांच्या जोरावर आयुष्यात यशस्वी व्हा, असे आवाहन मत्स्य अभियांत्रिकी तंत्रनिकेतनेचे प्राचार्य डॉ. केतन चौधरी यांनी केले.
डॉ. बाळासाहेब सावंत कोकण कृषी विद्यापीठाअंतर्गत असलेल्या शिरगाव मत्स्य अभियांत्रिकी तंत्रनिकेतनमधील २०२५-२६ या शैक्षणिक वर्षासाठी नव्याने दाखल झालेल्या विद्यार्थ्यांचे स्वागत आणि राष्ट्रीय शिक्षण धोरणांतर्गत आयोजित दीक्षारंभ कार्यक्रमात ते बोलत होते. यावेळी सहयोगी अधिष्ठाता डॉ. अनिल पावसे उपस्थित होते. याप्रसंगी डॉ. चौधरी यांनी कार्यक्रमाची रूपरेषा व उपस्थितांची ओळख करून दिली. प्रास्ताविकात सहाय्यक प्राध्यापक डॉ. राकेश जाधव यांनी महाविद्यालयातील शैक्षणिक नियमावली आणि विद्यार्थी परिषद याविषयी माहिती दिली. तर वसतिगृह प्रमुख सुशील कांबळे यांनी वसतिगृहातील शिस्त व नियमावली यावर मार्गदर्शन केले.