पिंगुळीत रंगला ‘गरबा नाईट शो’

95953

पिंगुळीत रंगला ‘गरबा नाईट शो’
कुडाळ ः महाराष्ट्र नवनिर्माण सेना कुडाळ आयोजित सिद्धिविनायक मित्र मंडळ पिंगुळी नवरात्री उत्सव येथे ‘म्युझिकल नाईट गरबा शो’ला प्रेक्षकांचा उत्स्फूर्त प्रतिसाद लाभला. पिंगुळी येथे सिद्धिविनायक मित्रमंडळामार्फत नवरात्रोत्सव साजरा करण्यात येत आहे. या उत्सवामध्ये एक दिवस कुडाळ मनसेतर्फे श्रोत्यांच्या मनोरंजनासाठी सांस्कृतिक कार्यक्रम आयोजित केले जातात. यावर्षी ‘शुक्रतारा म्युझिकल बँड गरबा शो’चे आयोजन करण्यात आले होते. त्याचे उद्‍घाटन मनसे जिल्हाध्यक्ष धीरज परब यांच्या हस्ते झाले. यावेळी विभाग अध्यक्ष प्रथमेश धुरी, विद्यार्थी सेना तालुकाध्यक्ष यतिन माजगावकर, गिअर अप जिमचे संचालक साईराज जाधव आदी उपस्थित होते. मनसे उपजिल्हाध्यक्ष कुणाल किनळेकर यांच्या संकल्पनेतून तालुकाध्यक्ष हेमंत जाधव व उपतालुकाध्यक्ष जगन्नाथ गावडे यांनी उत्कृष्ट नियोजन केले.
.......................
95952

विलवडे तंटामुक्ती समिती अध्यक्षपदी सावंत
ओटवणे ः विलवडे गावच्या तंटामुक्ती अध्यक्षपदी माजी उपसभापती कृष्णा उर्फ दादा सावंत यांची फेरनिवड करण्यात आली. विलवडे ग्रामसभेत ही निवड झाली. यावेळी सरपंच प्रकाश दळवी, उपसरपंच विनायक दळवी, माजी उपसभापती विनायक दळवी, माजी सरपंच मोहन दळवी, हरिश्चंद्र दळवी, नंदकिशोर दळवी, ग्रामपंचायत अधिकारी आरती चव्हाण, सुरेश सावंत, प्रतीक दळवी, राकेश दळवी, शिल्पा धर्णे, प्रमोद दळवी, सोनू गवस आदी उपस्थित होते. सावंत यांनी यापूर्वीही तंटामुक्त समिती अध्यक्ष पदासह अनेक पदे भूषविली आहेत. गावच्या शैक्षणिक, सामाजिक, कला, क्रीडा व धार्मिक क्षेत्रात त्यांचे सक्रिय योगदान आहे.