निबंधापासून लोकनृत्यापर्यंत तरुणाईच्या उमेदीला राष्ट्रीय सन्मान
95994
निबंधापासून लोकनृत्यापर्यंत तरुणाईच्या उमेदीला राष्ट्रीय सन्मान
सिंधुदुर्ग महाविद्यालयात विविध स्पर्धा; पाच राज्यांतील विद्यार्थ्यांचा सहभाग
सकाळ वृत्तसेवा
मालवण, ता. १ : स. का. पाटील सिंधुदुर्ग महाविद्यालयामध्ये २६ व २७ सप्टेंबरला पर्यटन सप्ताहाचे औचित्य साधून एका राष्ट्रीय चर्चासत्राचे आयोजन करण्यात आले. यानिमित्त कोकण जिओग्राफर असोसिएशन आणि स. का. पाटील सिंधुदुर्ग महाविद्यालय सांस्कृतिक विभाग यांच्या संयुक्त विद्यमाने विविध राष्ट्रीय स्तरावरील स्पर्धांचे आयोजन केले होते. यामध्ये निबंध, पोस्टर, वक्तृत्व आणि लोकनृत्य अशा स्पर्धांचा समावेश होता. या राष्ट्रीय स्पर्धांना महाराष्ट्रासह पाच राज्यांमधून विद्यार्थ्यांचा भरघोस प्रतिसाद मिळाला. या अंतर्गत १५ निबंध, १८ पोस्टर आणि ८ वक्तृत्व स्पर्धकांनी सहभाग नोंदवला.
स्पर्धांचा निकाल असा ः निबंध स्पर्धा- प्रथम मेगल डिसोजा (सिंधुदुर्ग महाविद्यालय), द्वितीय (विभागून) सपना नाईक (संत राऊळ महाराज महाविद्यालय, कुडाळ) आणि रॉयल बुलेटो (फोंडाघाट कॉलेज), तृतीय (विभागून) तनिष्का दळवी (स. ह. केळकर कॉलेज, देवगड) आणि मयुरी पाटील (गारगोटी कॉलेज), उत्तेजनार्थ ऋतुजा कवटकर (संत राऊळ महाराज महाविद्यालय, कुडाळ). पोस्टर मेकिंग स्पर्धा-प्रथम सपना रासम (फोंडाघाट कॉलेज), द्वितीय निकिता देसाई (गारगोटी कॉलेज), तृतीय (विभागून) स्नेहल कदम (संत राऊळ महाराज महाविद्यालय, कुडाळ) आणि श्रीराम गावडे (सिंधुदुर्ग महाविद्यालय).
वक्तृत्व स्पर्धा-प्रथम नीता धुरी (फोंडाघाट कॉलेज), द्वितीय (विभागून) श्रावणी गावडे (एसपीके लॉ कॉलेज, सावंतवाडी) आणि पल्लवी गावडे (गारगोटी कॉलेज), तृतीय मिसबा काझी (सिंधुदुर्ग महाविद्यालय), उत्तेजनार्थ-एंजल गोसावी (स. का. पाटील महाविद्यालय, मालवण). लोकनृत्य स्पर्धा-प्रथम कोरकू आदिवासी नृत्य (फोंडाघाट कॉलेज), द्वितीय कोळीनृत्य (सिंधुदुर्ग महाविद्यालय, विज्ञान विभाग), तृतीय लोकनृत्य (स. का. पाटील कॉलेज). विजेत्यांना गौरविण्यात आले.
यावेळी डॉ. धवल पांड्या (अर्थशास्त्र विभाग, गुजरात) आणि डॉ. अंशू वर्मा (संगीत विभाग, राजस्थान) हे उपस्थित होते. तसेच संस्थेचे कार्याध्यक्ष साईनाथ चव्हाण, सचिव गणेश कुशे, सदस्य शैलेश पावसकर, सदस्य डॉ. रामचंद्र काटकर, स्कूल कमिटी अध्यक्ष विजय केनवडेकर, अंतर्गत हमी कक्ष समिती सदस्य लक्ष्मीकांत खोबरेकर, प्राचार्य डॉ. एस. ए. ठाकूर, अंतर्गत हमी कक्षाच्या समन्वयक डॉ. सुमेधा नाईक उपस्थित होत्या. स्पर्धा यशस्वी करण्यासाठी कोकण जिओग्राफरचे सचिव डॉ. राजाराम पाटील, सिंधुदुर्ग महाविद्यालय सांस्कृतिक विभागप्रमुख डॉ. उज्वला सामंत, जिमखाना विभागप्रमुख डॉ. हंबीरराव चौगले, डॉ. सुमेधा नाईक यांचे सहकार्य लाभले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.