देवगड तालुक्यात दसरोत्सव उत्साहात
96408
देवगड तालुक्यात दसरोत्सव उत्साहात
देवगड, ता. ४ : तालुक्यात विविध ठिकाणी गुरुवारी (ता.२) दसरा उत्सव मोठ्या उत्साहात साजरा झाला. ठिकठिकाणच्या मंदिरात पारंपरिक पद्धतीने उत्सव साजरा करण्यात आला. देवतरंगासह नागरिकांच्या उपस्थितीत सोने लुटण्याचा कार्यक्रम झाला. विविध मंदिरात दर्शनासह ओटी भरण्यासाठी भाविकांनी गर्दी केली होती.
जामसंडे येथे दसरोत्सव उत्साहात साजरा झाला. पालखी तसेच श्री दिर्बादेवी आणि श्री देव रामेश्वर मंदिरातील देवतरंगासह पारंपरिक ठिकाणी सोने लुटण्याचा कार्यक्रम झाला. यावेळी भाविकांची मोठी गर्दी झाली होती. उत्सवानिमित्त बाजारात झेंडूच्या फुलांची मोठी उलाढाल झाली. जामसंडे येथील श्री दिर्बादेवी आणि श्री देव रामेश्वर मंदिरात नवरात्रोत्सव उत्साहात झाला. उत्सवानिमित्त ओटी भरण्यासाठी सुहासिनींनी गर्दी केली होती. दसऱ्या दिवशी पारंपरिक ठिकाणी देवस्वाऱ्या आल्यावर सोने लुटण्याचा कार्यक्रम झाला. धार्मिक कार्यक्रम झाल्यानंतर सोने लुटण्यासाठी एकच झुंबड उडाली. पारंपरिक ठिकाणी नागरिकांनी गर्दी केली होती. यामध्ये लहान मुले आणि महिलांचाही समावेश होता. सोने लुटण्याचा कार्यक्रम झाल्यानंतर मंदिरात दर्शनासाठी भाविकांनी गर्दी केली होती. उत्सवानिमित्त झेंडूच्या फुलांचा वापर करून वाहने सजवण्यात आली होती. सायंकाळी रस्त्यावर वाहनांची वर्दळ वाढली होती. सोने लुटण्याच्या कार्यक्रमावेळी पावसाची सर आल्याने धांदल उडाली. तालुक्यात सर्वत्र उत्सव साजरे झाले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.