शिंदे शिवसेना जिल्हा सचिव मांजरेकर यांना नियुक्ती पत्र

96435

शिंदे शिवसेना जिल्हा सचिव
मांजरेकर यांना नियुक्ती पत्र
सावंतवाडी, ता. ४ ः शिंदे शिवसेनेच्या सिंधुदुर्ग जिल्हा सचिवपदी येथील परीक्षित मांजरेकर यांची निवड करण्यात आली. जिल्हाप्रमुख संजू परब यांच्या उपस्थितीत शिवसेनेचे मुख्य नेते उपमुख्यमंत्री एकनाथ शिंदे यांच्या आदेशानुसार हे नियुक्तीपत्र त्यांना देण्यात आले.
शिवसेनाप्रमुख बाळासाहेब ठाकरे यांचा हिंदुत्वाचा विचार आणि धर्मवीर आनंद दिघे यांची शिकवण जोपासत त्याचा प्रसार आणि प्रचार पक्ष वाढीसाठी करावा, अशी आशा जिल्हाप्रमुख परब यांनी व्यक्त केली‌. यावेळी युवासेना जिल्हाप्रमुख हर्षद डेरे, युवासेना विधानसभा प्रमुख अर्चित पोकळे, सचिव उमेश आरोलकर, सत्यवान बांदेकर, प्रथमेश सावंत, विनोद सावंत, प्रशांत साटेलकर, सुजित कोरगावकर, आबा केसरकर आदी उपस्थित होते.
...................
96436

वाडा येथे एड्स विषयक जागृती
देवगड ः तालुक्यातील वाडा येथील अ. कृ. केळकर हायस्कूलमध्ये जिल्हा परिषद माध्यमिक शिक्षण विभागाच्या मार्गदर्शक सूचनेनुसार शालेय विद्यार्थ्यांमध्ये एड्सबाबत जनजागृती करण्यात आली. आरोग्य विभागातर्फे याबाबतचे मार्गदर्शन करण्यात आले. मुख्याध्यापिका स्मिता तेली, शिक्षक सिद्राम पाटील, आरोग्य विभागाचे स्वप्नील मोरे, नरेंद्र वाळके आदी उपस्थित होते. राज्य एड्स नियंत्रण संस्था मुंबई अंतर्गत जिल्हा एड्स नियंत्रण विभाग जिल्हा रुग्णालय सिंधुदुर्ग व आयसीटीसी ग्रामीण ग्रामीण रुग्णालय देवगड यांच्या वतीने एड्स जनजागृती मोहिमेतंर्गत वाडा प्रशालेतील विद्यार्थ्यांना मार्गदर्शन करण्यात आले. यावेळी एड्स रोगाची माहिती, कारणे, उपचार पद्धती, घ्यावयाची काळजी आदींबाबत माहिती देण्यात आली. तेली यांनी आभार मानले.