96443
अचूक नियोजन केल्यास यश निश्चित
नयोमी साटम ः खारेपाटण प्रशालेत विद्यार्थी गुणगौरव सोहळा
सकाळ वृत्तसेवा
तळेरे, ता. ४ : सध्या स्पर्धेचे युग असल्याने विद्यार्थ्यांनी शालेय जीवनात शिक्षण घेत असतानाच आपले ध्येय निश्चित करावे. योग्य नियोजन व अचूक मार्गदर्शन घेतल्यास यश हमखास मिळविता येते, असे प्रतिपादन अप्पर पोलिस अधीक्षक नयोमी साटम यांनी केले. खारेपाटण हायस्कूल व ज्युनियर कॉलेज येथे विद्यार्थी गुणगौरव समारंभात त्या बोलत होत्या.
खारेपाटण शेठ न. म. विद्यालयाचा २०२४-२५ या शैक्षणिक वर्षाचा बक्षीस वितरण समारंभ चंद्रकांत पारिसा रायबागकर सभागृहामध्ये नुकताच झाला. माध्यमिक व उच्च माध्यमिक विभागातील यशस्वी विद्यार्थ्यांना सन्मानित करण्यात आले. या कार्यक्रमासाठी प्रमुख पाहुण्या अप्पर पोलिस अधीक्षक नयोमी साटम, जयप्रकाश परब (उपमुख्य कार्यकारी अधिकारी सिंधुदुर्ग), खारेपाटण पंचक्रोशी शिक्षण प्रसारक मंडळाचे अध्यक्ष प्रवीण लोकरे आदी उपस्थित होते.
श्रीमती साटम यांनी यावेळी विद्यार्थ्यांना एमपीएससी व यूपीएससी परीक्षांबाबत मार्गदर्शन केले. शालेय जीवनातच ध्येय निश्चिती करणे किती आवश्यक आहे, याचे महत्त्व विद्यार्थ्यांना पटवून दिले. जयप्रकाश परब यांनीही स्पर्धा परीक्षांसंदर्भात मार्गदर्शन केले. वयाच्या २३ व्या वर्षी आयपीएस अधिकारी होण्याचे स्वप्न पूर्ण करणाऱ्या कुमारी नयोमी साटम यांचा आदर्श विद्यार्थ्यांनी घ्यावा, असे मत प्रा. संजय सानप यांनी व्यक्त केले. व्यासपीठावर खारेपाटण पंचक्रोशी शिक्षण प्रसारक मंडळाचे उपाध्यक्ष भाऊ राणे, सचिव महेश कोळसुलकर, विश्वस्त श्री. कांबळे, प्रा. सानप, पर्यवेक्षक संतोष राऊत आदी उपस्थित होते. श्रीमती अमृते, सारिका महिंद्रे, श्री. कानागल यांनी सूत्रसंचालन केले. पाताडे यांनी आभार मानले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.