महिलेला लुबाडणाऱ्या संशयिताचे स्केच तयार

-rat४p२०.jpg-
P२५N९६४५०
राजापूर ः महिलेला लुबाडणाऱ्या संशयिताचे पोलिसांनी तयार केलेले स्केच.
----------
लुबाडणाऱ्या संशयिताचे स्केच तयार
सकाळ वृत्तसेवा
राजापूर, ता. ४ ः लिफ्ट देण्याच्या बहाण्याने मुंबई-गोवा महामार्गावर दोन दिवसांपूर्वी महिलेला लुटण्याचा घडलेल्या घटनेप्रकरणी संशयिताचा शोध घेण्याच्यादृष्टीने पोलिसांकडून जोरदार हालचाली सुरू झाल्या आहेत. फिर्यादी महिलेने दिलेल्या माहितीनुसार, पोलिसांनी संशयिताचे स्केच तयार केल्याची माहिती पोलिस निरीक्षक अमित यादव यांनी दिली.
लिफ्ट देण्याच्या बहाण्याने महिलेच्या डोक्यात रॉड घालून तिचे दागिने लुटण्याचा प्रकार महामार्गावर दसऱ्‍याच्या दिवशी सायंकाळी घडला होता. रश्मी प्रभाकर चव्हाण या कोदवली-तरळवाडी येथून सायंकाळी सहाच्या सुमारास शहरात येण्यासाठी महामार्गावरील कोदवली थांब्यावर उभ्या होत्या. त्यांनी एका मोटारीला हात दाखवला. मोटारचालकाने त्यांना लिफ्ट दिली; मात्र, त्यानंतर त्याने पेडणेकर होम स्टॉपजवळील वळणावर अचानक रश्मी चव्हाण यांच्या डोक्यात रॉड मारून त्यांना गंभीर जखमी केले व त्यांच्याकडील रोख रक्कम, कानातील सोन्याची बुगडी व मोबाईल हिसकावून घेतला तसेच रश्मी चव्हाण यांना चालत्या गाडीतून रस्त्यावर ढकलून पलायन केले. यानंतर पोलिसांनी महामार्गावरील पेट्रोलपंप, हॉटेल व अन्य ठिकाणी असलेल्या सीसीटीव्हीचे फूटेज घेण्याचे काम सुरू केले आहे. महिलेने दिलेल्या माहितीनुसार, त्याचे स्केच तयार केले आहे.