खेड ः नगराध्यक्षपद सर्वसाधारण महिलेकडे

खेड ः नगराध्यक्षपद सर्वसाधारण महिलेकडे

Published on

खेडचे नगराध्यक्षपद
सर्वसाधारण महिलेकडे
खेड, ता. ६ : खेडचे नगराध्यक्षपद सर्वसाधारण महिलेकडे जाणार आहे. नगरपालिकेच्या नगराध्यक्षपदाची आरक्षण सोडत आज मुंबई मंत्रालय येथे काढण्यात आली. त्यात खेडसाठी (सर्वसाधारण महिला) असे आरक्षण जाहीर झाले आहे. यापूर्वी २००१ मध्ये पहिल्यांदा सर्व साधारण महिला असे आरक्षण पडले होते. या वेळी शिवसेनेच्या वैशाली कवळे या नगराध्यक्षपदावर विराजमान झाल्या होत्या. या वेळी पुन्हा एकदा महिला सर्वसाधारण महिलेला हे पद मिळाल्यामुळे सर्वच राजकीय पक्ष आपले उमेदवार शोधण्यात गुंतले आहेत.
मागील निवडणुकीत नागरिकांचा मागास प्रवर्ग असे आरक्षण होते. त्या वेळी महाराष्ट्र नवनिर्माण सेनेचे वैभव खेडेकर हे निवडून आले होते. त्यांच्या विरोधात शिवसेनेतर्फे माजी नगराध्यक्ष बिपिन पाटणे यांनी निवडणूक लढवली होती. वैभव खेडेकर यांचा कार्यकाल संपल्यानंतर सुमारे चार वर्षानंतर आता निवडणुका होणार आहेत. खेडेकर यांना मनसेतून बडतर्फ केल्याने त्यांनी भारतीय जनता पक्षामध्ये जाण्याचा निर्णय घेतला आहे. त्यामुळे भाजपचे खेडमध्ये वजन वाढलेले आहे. राज्यात जरी शिवसेना आणि भाजप यांची युती असली तरी खेडमध्ये युती होईल, अशी चिन्हे दिसत नाहीत. आजच्या आरक्षण सोडतीमुळे खेडेकर यांनी फटाके फोडून व पेढे वाटून आनंद साजरा केला आहे.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com