97103
...हा देशातील न्यायव्यवस्थेवरच हल्ला!
देवगड वकील संघटना; दोषींवर कठोर कारवाई करण्याची मागणी
सकाळ वृत्तसेवा
देवगड, ता. ७ ः देशाच्या सर्वोच्च न्यायालयाचे सरन्यायाधीश न्यायमूर्ती भूषण गवई यांच्यावर करण्यात आलेल्या भ्याड हल्ल्याचा हवाला देत येथील देवगड तालुका वकील संघटनेतर्फे घटनेचा निषेध नोंदवण्यात आला.
येथील देवगड वकील संघटनेतर्फे देवगड दिवाणी न्यायालयाच्या पायऱ्यांवर निदर्शने करून घटनेचा निषेध केला. याप्रसंगी देवगड वकील संघटनेचे अध्यक्ष अ‍ॅड. देवानंद गोरे, ज्येष्ठ विधिज्ञ अ‍ॅड. अविनाश माणगावकर, अ‍ॅड. प्रकाश बोडस, अ‍ॅड. लक्ष्मीकांत नाथगोसावी, अ‍ॅड. अभिषेक गोगटे, अ‍ॅड. इंद्रनील ठाकूर, अ‍ॅड. प्रसाद करंदीकर, अ‍ॅड. अनुराग बापट, अ‍ॅड. मैथिली खोबरेकर, अ‍ॅड. आरती दामले, अ‍ॅड. अन्वी कुलकर्णी, अ‍ॅड. अपर्णा परांजपे, अ‍ॅड. संगीता कालेकर, अ‍ॅड. हेमांगी वारीक आदी उपस्थित होते. संघटनेतर्फे देण्यात आलेल्या माहितीनुसार, भूषण गवई सर्वोच्च न्यायालयातील न्यायमूर्ती आहे. भारतीय न्यायव्यवस्थेच्या सन्माननीय परंपरेचे प्रतीक आहेत. अशा उच्चपदस्थ न्यायाधीशांवर केलेला हल्ला हा केवळ त्यांच्या वैयक्तिक सुरक्षिततेवरच नव्हे तर देशातील न्यायव्यवस्थेच्या स्वातंत्र्यावर आणि लोकशाहीच्या मूलभूत तत्त्वांवर झालेला आघात आहे. हा हल्ला अत्यंत निंदनीय असून तो न्यायव्यवस्थेच्या स्वातंत्र्याला आणि निर्भयपणाला बाधा निर्माण करणारा आहे. वकील संघटना म्हणून आम्ही या घटनेचा तीव्र निषेध करतो आणि दोषींवर त्वरित कठोर कारवाई करावी, अशी मागणी करतो. तसेच शासन व पोलिस प्रशासनाकडे विनंती करतो की, न्यायमूर्ती तसेच इतर न्यायाधीशांची सुरक्षा सुनिश्‍चित करावी, जेणेकरून अशा प्रकारच्या घटना पुन्हा घडणार नाहीत. न्यायव्यवस्था ही लोकशाहीचा आधारस्तंभ आहे आणि तिच्यावर कोणत्याही प्रकारचा हल्ला सहन केला जाणार नाही. याकरिता देवगड वकील संघटनेच्या सर्व वकील बांधवांनी एकत्र येत या हल्ल्याचा एकमुखाने निषेध केला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.