सावंतवाडी पालिकेला शववाहिनी प्रदान

97145

सावंतवाडी पालिकेला शववाहिनी प्रदान
सावंतवाडी, ता. ७ ः जिल्ह्याचे पालकमंत्री नीतेश राणे यांच्या सुचनेनुसार जिल्हा परिषद सिंधुदुर्ग यांच्या सार्वजनिक आरोग्य विभागाकडून एक शववाहिनी येथील नगरपरिषदेच्या ताब्यात देण्यात आली. या निर्णयामुळे सावंतवाडी शहर आणि परिसरात नागरिकांची मोठी गैरसोय दूर होणार आहे. अंत्यविधीसाठी शववाहिकेची उपलब्धता होताना गैरसोय निर्माण होत होती. आमदार दीपक केसरकर यांच्या माध्यमातून एक शववाहिनी कॅथोलिक असोशिएशनला देण्यात आली होती. यात आता नगरपरिषदेच्या ताब्यात देण्यात आलेल्या शववाहिनीची भर पडली आहे. पालकमंत्री राणे यांनी केलेल्या सुचनेनुसार जिल्हा परिषदेकडील शववाहिका नगरपरिषदेकडे वर्ग करण्यात आली असल्याची माहिती सावंतवाडी नगरपरिषदेच्या आरोग्य विभागाकडून देण्यात आली. यामुळे सावंतवाडी नगरपरिषद हद्दीतील नागरिकांना आता गरज पडल्यास शववाहिका अधिक जलद आणि सहज उपलब्ध होणार आहे.