rat७p२१.jpg-
P२५N९७१३२
रत्नागिरी ः पालकमंत्री उदय सामंत यांना नमन लोककला रत्नागिरी जिल्हा संस्थेच्यावतीने कलावंत निवेदन देण्यात आले.
वृद्ध कलाकारांचे मानधन कोटा वाढवा
नमन लोककलेची मागणी; जास्तीत जास्त कलाकारांना लाभ
सकाळ वृत्तसेवा
रत्नागिरी, ता. ७ : ‘राजर्षी शाहू महाराज वृद्ध साहित्यिक व कलाकार मानधन सन्मान योजने‘तील कलाकारांच्या मानधन मंजुरीचा इष्टांक (कोटा) १०० वरून ३०० पर्यंत वाढवावा, अशी मागणी नमन लोककला संघटनेने पालकमंत्री डॉ. उदय सामंत यांच्याकडे केली आहे. जिल्ह्यातील वृद्ध आणि गरजू लोककलाकारांना अधिक आर्थिक मदत मिळावी, यासाठी ही मागणी केलेली आहे.
नमन लोककला संघटनेच्या शिष्टमंडळाने पालकमंत्री सामंत यांच्यासह जिल्हाधिकारी, मुख्य कार्यकारी अधिकारी यांना निवेदन सादर दिले. जिल्ह्यामध्ये सांस्कृतिक नमन संस्थेचे ६२४ नमन मंडळे कार्यरत आहेत. त्या मंडळांशी जिल्ह्यात २५ हजार लोककलावंत या क्षेत्राशी जोडलेले आहेत. या सर्व कलावंतांच्यावतीने ही मागणी करण्यात आली आहे. ‘राजर्षी शाहू महाराज ज्येष्ठ साहित्यिक व कलाकार मानधन सन्मान योजना’ महाराष्ट्र शासनाच्या सांस्कृतिक कार्य विभागामार्फत राबवली जाते. या योजनेनुसार ५० वर्षांवरील दिव्यांगांसाठी ४० आणि कला व साहित्यक्षेत्रात किमान १५ वर्षांचे योगदान असलेल्या तसेच वार्षिक उत्पन्न ६० हजार रुपयांपेक्षा जास्त नसलेल्या गरजू कलावंतांना दरमहा मानधन दिले जाते. जिल्ह्यातील वृद्ध कलावंतांचा मानधन कोटा वाढवणे आवश्यक आहे. जिल्ह्यामध्ये कला आणि साहित्यक्षेत्रात योगदान देणाऱ्या वृद्ध कलाकारांची संख्या मोठी आहे. सध्या जिल्ह्यासाठी केवळ १०० कलाकारांना मानधन मंजूर करण्याचा कोटा आहे. हा कोटा वाढवून ३०० करावा, अशी प्रमुख मागणी आहे जेणेकरून जास्तीत जास्त गरजू वृद्ध कलावंतांना दरमहा ५ हजार मानधन मिळू शकेल, अशी मागणी करण्यात आली आहे. हे निवेदन देताना लोककला रत्नागिरी जिल्हा संस्थेचे जिल्हाध्यक्ष प्रभाकर उर्फ पी. टी. कांबळे, मोहन घडशी, युयुत्सू आर्ते, संतोष कुळे, परशुराम मासये, गजानन तटकरे, विश्वनाथ गावडे यांच्यासह अन्य पदाधिकारी व कार्यकारिणी सदस्य उपस्थित होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.