-रहदारीस अडथळा करणाऱ्या टेम्पोचालकावर गुन्हा

रहदारीस अडथळा
करणाऱ्यावर गुन्हा
रत्नागिरी, ता. ८ ः शहरातील राधाकृष्ण नाका ते गोखले नाका येथे जाणाऱ्या रस्त्यावर रहदारीस अडथळा निर्माण करणाऱ्‍या चालकाविरोधात शहर पोलिस ठाण्यात गुन्हा दाखल करण्यात आला आहे. ही कारवाई ७ ऑक्टोबरला सायंकाळी करण्यात आली. अजय रघुनाथ लिंगायत (वय ३३, रा. लिंगायतवाडी, परचुरी, संगमेश्वर) असे गुन्हा दाखल करण्यात आलेल्या संशयिताचे नाव आहे. त्याच्या विरोधात पोलिस हेडकॉन्स्टेबल राकेश बागुल यांनी तक्रार दिली आहे. मंगळवारी सायंकाळी संशयित चालकाने छोटा टेंपो राधाकृष्ण नाका ते गोखले नाका येथे जाणाऱ्या रस्त्यावरील दुकानासमोर उभा केला होता. त्यामुळे इतर रहदारीला अडथळा निर्माण झाल्यामुळे हा गुन्हा दाखल करण्यात आला आहे.