अष्टविनायक मंडळामार्फत मळगावात दुर्ग बांधणी स्पर्धा

अष्टविनायकमार्फत
दुर्ग बांधणी स्पर्धा
सावंतवाडीः गतवर्षीच्या प्रचंड प्रतिसादानंतर अष्टविनायक कला-क्रीडा मंडळ मळगाव-रस्तावाडी यांनी पुन्हा एकदा पंचक्रोशी मर्यादित दुर्ग बांधणी स्पर्धा-२०२५ चे आयोजन केले आहे. या स्पर्धेत माजगाव, निरवडे, नेमळे, वेत्ये आणि न्हावेली या पंचक्रोशीतील स्पर्धकांना भाग घेता येणार आहे. स्पर्धेत सहभागी होण्यासाठी इच्छुकांनी २० ऑक्टोबरपर्यंत नावे निश्चित करावीत, असे आवाहन मंडळाने केले आहे. स्पर्धेसाठी प्रथम पारितोषिक प्रसन्न मांजरेकर पुरस्कृत २००१ व चषक (कै.) दिलीप सोनुर्लेकर स्मरणार्थ), द्वितीय सिध्देश तेंडोलकर पुरस्कृत १५०१ आणि चषक (कै.) दिलीप सोनुर्लेकर स्मरणार्थ प्रसन्न मांजरेकर पुरस्कृत), तृतीय राहुल नार्वेकर पुरस्कृत ७०१ आणि चषक (कै.) दिलीप सोनुर्लेकर स्मरणार्थ प्रसन्न मांजरेकर पुरस्कृत) अशी बक्षिसे देण्यात येणार आहेत. कलाप्रेमी आणि दुर्गप्रेमी स्पर्धकांनी मंडळाशी संपर्क साधून या स्पर्धेचा लाभ घ्यावा, असे आवाहन अध्यक्ष तुळशीदास नाईक व ज्ञानेश्वर राणे, नीलेश नाटेकर यांनी केले आहे.