देवरुख महाविद्यालयाच्या मुलींचा संघ पात्र

rat12p11.jpg-
98062
देवरुख ः शिक्षण प्रसारक मंडळाच्या आठल्ये-सप्रे-पित्रे कनिष्ठ महाविद्यालयाचा मुलींचा संघ.

देवरुख महाविद्यालय मुलींचा संघ
विभागीय खो-खो स्पर्धेसाठी पात्र
साडवली, ता. १२ : देवरुख शिक्षण प्रसारक मंडळाच्या आठल्ये-सप्रे-पित्रे कनिष्ठ महाविद्यालयाचा मुलींचा संघ कोल्हापूर विभागीय शालेय खो-खो स्पर्धेमध्ये रत्नागिरी जिल्ह्याचे प्रतिनिधित्व करणार आहे. महाराष्ट्र राज्य क्रीडा व युवक संचालनालय, पुणे आणि जिल्हा क्रीडा अधिकारी कार्यालय, रत्नागिरी यांच्यावतीने श्री विठ्ठलराव जोशी चॅरीटीज ट्रस्ट क्रीडा संकुल येथे जिल्हास्तरीय शालेय खो-खो स्पर्धा झाल्या. या स्पर्धेत १९ वर्षांखालील मुलींच्या गटात आठल्ये-सप्रे-पित्रे कनिष्ठ महाविद्यालयाने रत्नागिरीच्या अभ्यंकर-कुलकर्णी कनिष्ठ महाविद्यालयाच्या संघावर विजय मिळवला. महाविद्यालयाच्या मुलींच्या संघाला क्रीडा प्रशिक्षक संजय इंदुलकर, क्रीडाशिक्षक तानाजी कदम व सागर पवार यांचे मार्गदर्शन लाभत आहे. मुलींच्या खो-खो संघात दिव्या सनगले, दिपाली सनगले, प्रीती सनगले, सानिका सनगले, सिद्धी चोरगे, सिद्धी पर्शराम, स्नेहा गावडे, सृष्टी आग्रे, पुर्वा टक्के, श्रुती किंजळे, सानिका आग्रे, अक्षरा कांबळे, पूर्वा वेद्रे यांचा समावेश आहे. यशस्वी खेळाडूंचा कनिष्ठ महाविद्यालयाच्या मुलींच्या खो-खो संघाने मिळवलेल्या यशाबद्दल प्राचार्य डॉ. नरेंद्र तेंडोलकर यांनी अभिनंदन केले.
यावेळी उपप्राचार्य डॉ. सरदार पाटील, कनिष्ठ महाविद्यालयाचे जिमखाना प्रमुख प्रा. धनंजय दळवी, क्रीडा प्रशिक्षक संजय इंदुलकर, प्रा. प्रवीण जोशी, प्रा. अभिनय पातेरे, प्रा. स्वप्नाली झेपले, प्रा. वसंत तावडे, संस्थाध्यक्ष सदानंद भागवत, नेहा जोशी, कृष्णकुमार भोसले, शिरीष फाटक, सुजाता प्रभूदेसाई, पर्यवेक्षक प्रा. एम. आर. लुंगसे यांच्यासह सर्व शिक्षक व शिक्षकेतर कर्मचारी यांनी अभिनंदन केले.