वीज कंत्राटी कामगार संघाची 16 रोजी बैठक
वीज कंत्राटी कामगार
संघाची गुरुवारी बैठक
रत्नागिरी, ता. १२ ः वीज उद्योगात ९ ते ११ ऑक्टोबर या कालावधीत संप होता. या संपाला वीज कंत्राटी कामगार संघाने काळ्या फिती लावून पाठिंबा दिला आहे. वीज कंत्राटी कामगार संघाची बैठक १६ ऑक्टोबरला संचालक राजेंद्र पवार यांच्या अध्यक्षतेखाली होणार असल्याचे पत्र महावितरणचे मुख्य औद्योगिक संबंध अधिकारी संजय ढोके यांनी संघटनेला दिले आहे.
हरियाणा पॅटर्नचा अहवाल मंत्रीमंडळासमोर सादर करावा, दिवाळी पूर्वी वेतन वाढीच्या फरकाची रक्कम, वेतन व बोनसची रक्कम देण्यात यावी, भरती व पुनर्रचनेनंतर कंत्राटी कामगारांना कमी करू नये, कोर्ट केसमधील नावे संपर्क पोर्टलला संरक्षित कामगार म्हणून अधोरेखित करावीत, कंत्राटदार बदलला तरी कामगार तेच रहावेत, लास्ट इन फर्स्ट आऊट पद्धत वापरावी आदी आणि अन्य महत्वाच्या मुद्यांवर बैठकीत चर्चा होईल, असे अध्यक्ष निलेश खरात यांनी कळवले आहे. त्यावर तोडगा निघाला नाही तर डिसेंबरमध्ये हिवाळी अधिवेशनादरम्यान आंदोलन करावे लागेल असाही इशारा त्यांनी दिला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.