संगमेश्वर-गुरे वाहतूक

अवैध गुरे वाहतूक
करणारा टेम्पो पकडला
संगमेश्वर, ता. १३ ः संगमेश्वर तालुक्यातून कोल्हापूरकडे निवधे कळकदरामार्गे रात्री अवैध गुरे वाहतूक होत असल्याची माहिती पोलिस निरीक्षक उदय झावरे व त्यांच्या सहकाऱ्यांना मिळाली. देवरूखचे पोलिस निरीक्षक उदय झावरे, सहाय्यक पोलिस फौजदार शांताराम पंदेरे, पोलिस हेडकॉन्स्टेबल सचिन कामेरकर, पोलिस हेडकॉन्स्टेबल सचिन पवार, पोलिस हेडकॉन्स्टेबल अभिजित वेलवणकर यांनी निवधे कळकदरा येथे दबा धरून बसले असता समोरून येणाऱ्या टेम्पोला रोखले. त्यामध्ये विनापरवाना गुरांची वाहतूक करताना आढळून आली. टेम्पोमधील चालक व एका सहकाऱ्याला टेम्पोसह ताब्यात घेण्यात आले.