वायंगणी नळेवाडी ग्रामस्थ शिवसेनेत
98856
ठाकरे गटाच्या बालेकिल्ल्याला
शिवसेना शिंदे गटामुळे खिंडार
वायंगणी नळेवाडीतील ग्रामस्थांचा प्रवेश
आचरा, ता. १५ ः ठाकरे शिवसेनेचा बालेकिल्ला असलेल्या वायंगणी गावात नळेकरवाडीतील ग्रामस्थांनी शिवसेना जिल्हाप्रमुख दत्ता सामंत यांच्या उपस्थितीत शिवसेनेत प्रवेश केला. मंगळवारी (ता. १४) हा पक्ष प्रवेशाचा कार्यक्रम झाला. उपमुख्यमंत्री एकनाथ शिंदे आणि आमदार नीलेश राणे यांच्या विकास पर्वाने प्रेरित होऊन शिवसेनेत प्रवेश केल्याचे ग्रामस्थांनी सांगितले.
यावेळी जिल्हा उपाध्यक्ष महेश राणे, तालुकाध्यक्ष विनायक बाईत, विभाग प्रमुख संतोष कोदे, सरपंच रुपेश पाटकर, डॉ. प्रमोद कोळंबकर, जयप्रकाश परुळेकर, मनोज हडकर, नवनियुक्त शाखा प्रमुख गणेश सावंत, युवा शाखा प्रमुख हर्षद दुखंडे, संजय सावंत यांसह शिवसेना पदाधिकारी व ग्रामस्थ उपस्थित होते. यावेळी सामंत यांनी वायंगणी गाव विकासासाठी आमदार राणे यांच्या माध्यमातून सर्वतोपरी सहकार्य देण्याची ग्वाही दिली. नळेकरवाडीतील ग्रामस्थांची मागणी असलेल्या गणेश घाट, स्वामी समर्थ मठ, वायंगणी तिठा येथे हायमास्ट उभारण्यासाठी तसेच वीज समस्या निवारण्यासाठी लवकरच ट्रान्सफार्मर उपलब्ध करून देणार असल्याचे त्यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.