सिंधुदुर्गनगरी येथे २९ ला जिल्हास्तरीय युवा महोत्सव
सिंधुदुर्गनगरी येथे २९ ला
जिल्हास्तरीय युवा महोत्सव
सकाळ वृत्तसेवा
सिंधुदुर्गनगरी, ता. १५ ः राष्ट्रीय युवा महोत्सवाच्या अनुषंगाने जिल्हास्तर युवा महोत्सवाचे २९ ऑक्टोबरला सकाळी ९ वाजता जिल्हा नियोजन समिती हॉल, सिंधुदुर्गनगरी येथे आयोजन केले आहे. जिल्हास्तर युवा महोत्सवामध्ये सहभागी होण्यासाठी २५ ऑक्टोबरपर्यंत ‘गुगल लिंक’वर नोंदणी करण्याचे आवाहन जिल्हा क्रीडा अधिकारी नीलिमा अडसूळ यांनी केले आहे.
‘राष्ट्रीय युवा महोत्सव २०२५-२६’मध्ये संकल्पना आधारित ‘सांस्कृतिक व नवोपक्रम’ ही संकल्पना दिली आहे. या संकल्पनेवर आधारित जिल्हा युवा महोत्सवात विविध स्पर्धात्मक उपक्रमांचे आयोजन केले आहे. जिल्हास्तरावरील विजयी स्पर्धक व संघ विभागीय स्पर्धेमध्ये सहभागी होणार आहेत. जिल्हास्तर युवा महोत्सवाची नियमावली ‘गुगल लिंक’वर आहे. युवा महोत्सवामध्ये सहभागी होण्यासाठी नोंदणी अर्ज ‘गुगल लिंक’मध्ये भरावेत. सांस्कृतिक, लोकनृत्य सहभाग संख्या-१० (साथ सांगत स्वतंत्र), लोकगीत सहभाग संख्या १० (साथ सांगत स्वतंत्र), कौशल्य विकास, कथालेखन (वैयक्तिक), कवितालेखन (वैयक्तिक), चित्रकला (वैयक्तिक), वक्तृत्व, संकल्पना आधारित स्पर्धा, विज्ञान प्रदर्शन, स्थानिक शेतीमधील शोध प्रकल्प यांचा समावेश आहे. महोत्सवामध्ये जिल्ह्यातील १५ ते १९ वयोगटातील युवक-युवतींना सहभागी होता येईल. जिल्ह्यातील माध्यमिक व कनिष्ठ महाविद्यालय, वरिष्ठ महाविद्यालयातील व कृषी महाविद्यालय, अभियांत्रिकी महाविद्यालय, वैद्यकीय महाविद्यालय व औद्योगिक प्रशिक्षण संस्थेतील अधिकाधिक युवक-युवती संघांनी, महिला मंडळांनी यामध्ये सहभागी व्हावे, असे आवाहन आयोजन समितीने केले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.