पुष्कर उतेकर, अंजली वरक उत्कृष्ट वक्ता स्पर्धेत प्रथम

99369

पुष्कर उतेकर, अंजली वरक
उत्कृष्ट वक्ता स्पर्धेमध्ये प्रथम

सकाळ वृत्तसेवा
म्हापण, ता. १८ ः जिल्हा परिषद केंद्रशाळा परुळे क्र. ३ व महालक्ष्मी वाचनालय आणि ग्रंथ संग्रहालय परुळे यांच्या संयुक्त विद्यमाने विद्यार्थ्यांसाठी उत्कृष्ट वक्ता स्पर्धा झाली. भारताचे माजी राष्ट्रपती डॉ. ए.पी.जे. अब्दुल कलाम यांच्या जन्म दिनानिमित्त वाचन प्रेरणा दिन साजरा करण्यात आला. यानिमित्त या स्पर्धेचे आयोजन करण्यात आले.
या स्पर्धेत अनुक्रमे लहान गटात पुष्कर उतेकर, लक्ष्य नानचे, गौरी तुळसकर तर मोठ्या गटामध्ये अंजली वरक, शुभम परुळेकर व स्पृहा मेस्त्री यांनी यश मिळविले. यावेळी शाळेतील २७ मुलांनी वाचनालयात वाचक म्हणून नोंदणी केली. वाचक स्पर्धा दोन गटात घेण्यात आली. दोन्ही गटातील विजेत्यांना ५००, ३०० व २०० रुपये बक्षिसे देण्यात आली. यावेळी वाचनालयाचे प्रथमेश नाईक, शिक्षक शालिक पाटील, रवींद्र गोसावी यांसह विद्यार्थी उपस्थित होते. मुलामध्ये वाचनाची गोडी निर्माण व्हावी, या उद्देशाने हा उपक्रम राबविण्यात आला. मुलांना वाचनाची सवय लागून वाचन सुधारणा होईल, हा उद्देश होता. महालक्ष्मी वाचनालयातून दिवाळी सणानिमित्त वाचकांसाठी दर्जेदार दिवाळी अंक उपलब्ध करून देण्यात येत आहेत. याचाही सुटीच्या काळात मुलांनी लाभ घ्यावा, असे आवाहन करण्यात आले आहे. यावेळी ग्रंथ संग्रहालयामार्फत राबविण्यात येणाऱ्या विविध सामाजिक उपक्रमांची माहिती देण्यात आली.