फोटोसंक्षिप्त-मसाले प्रशिक्षण कार्यशाळेस निरुखेत उत्स्फूर्त प्रतिसाद

99385

मसाले प्रशिक्षण कार्यशाळेस
निरुखेत उत्स्फूर्त प्रतिसाद
बांदा, ता. १८ ः कोकण कला व शिक्षण विकास संस्था आणि ग्रामपंचायत निरुखे यांच्या संयुक्त विद्यमाने आयोजित मसाले बनविण्याच्या प्रशिक्षण कार्यशाळेला उत्स्फूर्त प्रतिसाद मिळाला. या उपक्रमात ग्रामपंचायत कार्यक्षेत्रातील २८ महिलांनी सहभाग घेतला.
कार्यक्रमाचे उद्‍घाटन सरपंच कीर्तिकुमार तेरसे यांच्या हस्ते झाले. उपसरपंच, ग्रामपंचायत सदस्य, कोकण कला व शिक्षण विकास संस्थेचे प्रतिनिधी तसेच स्थानिक मान्यवर उपस्थित होते. दोन दिवसांच्या या प्रशिक्षणात महिलांना २१ प्रकारचे मसाले प्रत्यक्ष कृतीद्वारे तयार करण्याचे प्रशिक्षण देण्यात आले. तसेच गुणवत्ता नियंत्रण, साठवणूक, पॅकेजिंग आणि मार्केटिंग यासंबंधी तांत्रिक व व्यावसायिक मार्गदर्शन देण्यात आले. अशा उपक्रमांमुळे महिलांचा आर्थिक व सामाजिक सशक्तीकरणाचा पाया अधिक मजबूत होतो, असे गौरवोद्गार मान्यवरांनी काढले.