खेड-कुंभवे शाळेजवळ मोटार जळून खाक

-rat18p15.jpg
25N99449
दापोली ः दापोली-खेड मार्गावर कुंभवे येथे जळून खाक झालेली मोटार.

कुंभवे येथे मोटार जळून खाक
खेड, ता. १८ : दापोली-खेड मार्गावर कुंभवे येथे शनिवारी (ता. १८) सकाळी शाळेजवळून जात असताना मोटारीने अचानक पेट घेतला. ही मोटार नफिज मुकादम यांच्या मालकीची होती. गाडीमध्ये प्रवास करणारे सर्वजण वेळेत बाहेर पडल्याने मोठा अनर्थ टळला. स्थानिक नागरिकांनी तत्काळ घटनास्थळी धाव घेतली, अग्निशमन दलालाही तातडीने पाचारण करण्यात आले आणि त्यांनी आग नियंत्रणात आणली. प्राथमिक अंदाजानुसार, गाडीतील तांत्रिक बिघाडामुळे ही आग लागली असावी, असा अंदाज आहे. पोलिसांनी घटनास्थळी पाहणी करून पंचनामा केला असून, पुढील तपास सुरू आहे.