४५ किल्ल्यांचा समावेश

संजीवन प्रतिष्ठान स्पर्धेत
४५ किल्ल्यांचा समावेश
सकाळ वृत्तसेवा
रत्नागिरी, ता. २१ ः तालुक्यातील चांदेराई येथील भाजप तालुकाध्यक्ष दादा दळी यांच्या संजीवन प्रतिष्ठान आयोजित दुगोत्सवांतर्गत छोटे किल्लेदार स्पर्धेला चांगला प्रतिसाद मिळाला.
छत्रपती शिवाजी महाराजांच्या इतिहासाची ओळख मुलांना व्हावी यासाठी दिवाळी सुटीमध्ये दुर्ग-किल्ले बनवण्याची स्पर्धा गेली ७ वर्षे संजीवनी प्रतिष्ठानतर्फे आयोजित केली जात आहे. हरचेरी-कर्ला जिल्हा परिषद गट मर्यादित या स्पर्धेत अनेक मुलांनी आपला सहभाग घेतला होता. हरचेरी, चांदेराई, कोंडवी, उमरे लावगणवाडी, टिके-कांबळेवाडी, फुटकवाडी, झरेवाडी या गावातील मुलांनी ४५ किल्ल्यांच्या प्रतिकृती बनवल्या. त्यामध्ये तोरणा, राजगड, रायगड, शिवनेरी, वासोटा, मुरूड जंजिरा, पद्मावती, सिंधुदुर्ग, प्रतापगड अशा किल्ल्यांचा समावेश आहे. संजीवन प्रतिष्ठानतर्फे काल दिवाळीच्या दिवशी परीक्षण करण्यात आले. त्याचा पारितोषिक वितरण कार्यक्रम उद्या (ता. २२) होणार आहे.