22 गावातील 350 कुटुंबांना फराळ, फटाके

‘अनुलोम’तर्फे गरजूंना फराळ वाटप
सकाळ वृत्तसेवा
गुहागर, ता. २१ : अनुलोम संस्थेतर्फे दिवाळीचा आनंद समाजात वाटू या उपक्रमात गुहागर परिसरातील परिसरातील गरजू, दिव्यांग कुटुंबांसमवेत साजरा करण्यात आला. यामध्ये गुहागर तालुक्यातील 22 गावातील 350 हून अधिक कुटुंबांना फराळ आणि लहान मुलांना फटकांचे वितरण करण्यात आले. नरवण येथील अनुलोम मित्र चंद्रकांत दहिवलकर यांनी सरपंच मोरे यांना सोबत घेवून दिव्यांग सुनिल केशव गुहागरकर यांच्यासह लक्ष्मी तुकाराम जामसुदकर यांना फराळ वाटप केले.
परिस्थितीशी सामना करताना होणाऱ्या ओढाताणीमुळे सण उत्सव साजरे करण्याची इच्छाच नाही. अशा कुटुंबांचा अनुलोम मित्रांनी शोध घेतला. या कुटुंबाना फराळ आणि या कुटुंबातील मुलांना फटाके देता यावेत यासाठी मदतीचा हात मागतिला. यातून मदतीचा ओघ सुरू झाला. 17 ऑक्टोबरला फराळाचे सर्व साहित्य आणि फटाके आल्यानंतर अनुलोम मित्रांकडे हा फराळ पोचविण्याचे नियोजन झाले.