भाई सावंत महाविद्यालयात रंगला माजी विद्यार्थ्यांचा स्नेहमेळावा

rat29p9.jpg-
01157
सावर्डे : बीएड् १९८५-८६च्या तुकडीमधील शिक्षक विद्यार्थी.

भाई सावंत महाविद्यालयात रंगला
माजी विद्यार्थ्यांचा स्नेहमेळावा
सकाळ वृत्तसेवा
सावर्डे, ता. २९ः सावर्डे येथील भाईसाहेब सावंत अध्यापक महाविद्यालयात १९८५-८६च्या बॅचच्या बीएड् शिक्षण घेणाऱ्या माजी शिक्षकांचा स्नेहमेळावा उत्साहात पार पडला. या कार्यक्रमामुळे जुन्या आठवणींना नवसंजीवनी मिळाली.
स्नेहमेळाव्याचे आयोजन महाविद्यालयाच्या सभागृहात केले होते. या वेळी प्राचार्य शशिकांत नलावडे, वाय. आर. देशपांडे, बी. बी. माळी यांचा सन्मान करण्यात आला. शिक्षकांनी आपल्या कारकिर्दीतील अनुभव, समाजसेवा, विद्यार्थ्यांशी असलेले भावनिक नाते या विषयी उपस्थित विद्यार्थ्यांनी मनमोकळ्या गप्पा मारल्या. त्या दिवसांची मजा आणि मैत्रीचा गंध आजही ताजा आहे, असे सांगताना अनेकांच्या डोळ्यात पाणी आले.
काही विद्यार्थ्यांनी शालेय काळातील कविता, विनोदी प्रसंग, शिक्षकांचे किस्से सादर केले. कार्यक्रमाचे सूत्रसंचालन पुष्पावती पाटील व विनायक बाळ यांनी केले. मेळाव्याला नाशिक, सातारा, सांगली, कोल्हापूर, रत्नागिरी, संगमेश्वर आदी ठिकाणांवरून २५ माजी विद्यार्थी व शिक्षक उपस्थित होते.