पोलीस दलामार्फत रन फॉर युनिटीमधून एकात्मतेचा संदेश

-rat३१p२०.jpg-
२५O०१५६३
रत्नागिरी ः रन फॉर युनिटीमध्ये सहभागी जिल्हाधिकारी मनुज जिंदल, पोलिस अधीक्षक नितीन बगाटे आणि अन्य अधिकारी.
-------
‘रन फॉर युनिटी’तून एकात्मतेचा संदेश
सकाळ वृत्तसेवा
रत्नागिरी, ता. १ ः लोहपुरुष सरदार वल्लभभाई पटेल यांच्या १५० व्या जयंतीनिमित्त जिल्हा पोलिसदलामार्फत काढण्यात आलेल्या ''रन फॉर युनिटी'' अर्थात ‘एकता दौडला’ जिल्हाधिकारी मनुज जिंदल, पोलिस अधीक्षक नितीन बगाटे यांनी हिरवा झेंडा दाखवला. पोलिस कवायत मैदानावरून सुरू झालेल्या या एकता दौडची सांगता भाट्ये बीचवर झाली. सामाजिक सलोखा आणि बंधुभाव राखण्यासाठी राष्ट्रीय एकात्मतेचा संदेश देणाऱ्या एकता दौडमध्ये अप्पर पोलिस अधीक्षक बी. बी. महामुनी, प्र. निवासी उपजिल्हाधिकारी राहुल गायकवाड, पोलिस उपअधीक्षक नीलेश माईणकर यांच्यासह नागरिक सहभागी झाले होते. अप्पर पोलिस अधीक्षक महामुनी यांनी सर्वांना शपथ दिली. ही दौड जेलनाका, जयस्तंभमार्गे भाट्ये बीच येथे आली. या ठिकाणी या दौडची सांगता झाली.
---