डोंगरपालमध्ये उद्या अभंग गायन स्पर्धा

डोंगरपालमध्ये उद्या
अभंग गायन स्पर्धा
बांदा ः डोंगरपाल येथील श्री देवी माऊली भजन मंडळ यांच्या वतीने रविवारी (ता.२) खुली अभंग गायन स्पर्धा आयोजित करण्यात आली आहे. श्री माऊली मंदिरात ​सायंकाळी ५.३० वाजता मान्यवरांच्या हस्ते स्पर्धेचे उद्‌घाटन होईल. ​स्पर्धेतील विजेत्यांना रोख रक्कम व चषक देण्यात येतील.
स्पर्धेसाठी ​प्रथम पारितोषिक ३ हजार ३३३ रुपये, ​द्वितीय २ हजार २२२ रुपये, ​तृतीय १ हजार १११ रूपये आहे. दोन स्पर्धकांना ​उत्तेजनार्थ प्रत्येकी ५०० रुपये देण्यात येतील. स्पर्धेसाठी गोव्यातील प्रसिद्ध संगीतकार विश्वास च्यारी परीक्षण करतील. स्पर्धकांना निलेश मेस्त्री हार्मोनियम तर विठ्ठल च्यारी तबला साथसंगत करतील. अभंग सादर करण्यासाठी ४ ते ६ मिनिटांचा वेळ असेल. स्पर्धकांना १०० रुपये प्रवेश फी आहे. इच्छुकांनी कुमार गवस, विश्वनाथ गवस किंवा श्रीकांत गवस यांच्याशी संपर्क साधण्याचे आवाहन मंडळाने केले आहे.
------------
बांद्यात आज
संगीत मैफल
बांदा ः येथील श्री विठ्ठल मंदिर नजीक व्यापारी भुवन सभागृहात उद्या (ता.१) नादब्रह्म सावंतवाडी या संगीत क्षेत्रातील नामवंत संस्थेच्या वतीने सूरमणी पं. धनंजय जोशी (नांदेड) यांची ‘नाट्य - अभंग रंग’ ही संगीत मैफल आयोजित करण्यात आली आहे. (कै.) चंद्रशेखर भिडे यांच्या स्मृतींना समर्पित असलेला हा कार्यक्रम सायंकाळी सातला आयोजित करण्यात आला आहे. या गायनाला ऑर्गन- प्रसाद शेवडे, हार्मोनियम -प्रदीप शेवडे, तबला - किशोर सावंत, पखवाज- संकेत म्हापणकर, मंजिरी- कमलाकर कळंगुटकर हे साथसंगत करणार आहेत. कार्यक्रमाचे निवेदन वीरेंद्र आठलेकर करतील. सर्व रसिकांनी उपस्थित राहून या संगीत मैफिलीचा लाभ घ्यावा, असे आवाहन नादब्रह्म परिवारातर्फे करण्यात आले आहे.