‘संगम महिला प्रभाग’ची नेरूर येथे आज सभा

‘संगम महिला प्रभाग’ची
नेरूर येथे आज सभा
कुडाळ, ता. ३ ः महाराष्ट्र राज्य ग्रामीण जीवनोन्नती अभियानांतर्गत संगम महिला प्रभागसंघ, नेरूर-देऊळवाडा यांची वार्षिक सर्वसाधारण सभा मंगळवारी (ता. ४) सकाळी नऊ ते दुपारी दोन दरम्यान श्री देव कलेश्वर मंदिर हॉल, नेरूर येथे आयोजित केली आहे.
सभेत प्रभागातील विविध महिला ग्रामसंघांच्या अध्यक्षा, सचिव, कोषाध्यक्षा, तसेच स्वयंसहाय्यता समूहांच्या सदस्या सहभागी होणार आहेत. या प्रभागात नारीशक्ती महिला ग्रामसंघ (नेरूर माणकादेवी), जनसेवा महिला ग्रामसंघ (नेरूर देऊळवाडा), उत्कर्ष महिला ग्रामसंघ (नेरूर कविलगाव), समृद्धी महिला ग्रामसंघ (नेरूर साईगाव), आदर्श महिला ग्रामसंघ (नेरूर कुटगाव), संजीवनी महिला ग्रामसंघ (नेरूर ता. हवेली), संकल्प महिला ग्रामसंघ (सरंबळ तळेगाव), स्वामिनी महिला ग्रामसंघ (सरंबळ नाईकगाव), क्रांती महिला ग्रामसंघ (सरंबळ), घे भरारी महिला ग्रामसंघ (कवठी), लक्ष्मीनारायण महिला ग्रामसंघ (वालावल), राजेशाही महिला ग्रामसंघ (चेंदवण गांधीग्राम), समृद्धी महिला ग्रामसंघ (चेंदवण नाईकनगर), सखी महिला ग्रामसंघ (हुमरमळा) आणि स्त्रीशक्ती महिला ग्रामसंघ (चेंदवण) यांचा समावेश आहे. उपस्थित राहावे, असे आवाहन अध्यक्षा सोनाली चव्हाण, सचिव स्वरा नेरूरकर व कोषाध्यक्षा पुष्पलता म्हाडदळकर यांनी केले आहे.