शांताराम गोसावी यांचे निधन

02202

शांताराम गोसावी यांचे निधन
मालवण, ता. ३ : तालुक्यातील मसुरे मेढावाडी गावचे रहिवासी, अखिल भारतीय कॅरम फेडरेशनचे माजी उपाध्यक्ष, ज्येष्ठ सामाजिक कार्यकर्ते शांताराम ऊर्फ बाळा नारायण गोसावी (वय ६०) यांचे रविवारी (ता.२) रात्री मालवण येथे हृदयविकाराच्या झटक्याने निधन झाले. मुंबई महानगरपालिकेमधून ते अधिकारी म्हणून काही वर्षांपूर्वी निवृत्त झाले होते. कोरोना कालावधीत अनेकांना त्यांनी आर्थिक मदत केली. साईनाथ भक्त मंडळ मसुरे मेढावाडीचे ते अनेक वर्षे अध्यक्ष होते. मसुरे गावाच्या सामाजिक, कला, क्रीडा, धार्मिक, पर्यटन, उद्योग क्षेत्रामध्ये त्यांचे बहुमूल्य योगदान होते. (कै.) नारायण शांताराम गोसावी चॅरिटेबल ट्रस्टचे ते संस्थापक अध्यक्ष होते. त्यांच्यामागे पत्नी, एक मुलगा, एक मुलगी, बहिणी असा परिवार आहे. भारतीय कॅरम ज्युनियर संघाचा माजी कर्णधार नॅशनल कॅरमपट्टू वरुण गोसावी आणि मिरा रोड येथील डॉ. नेहा गोसावी यांचे ते वडील होत.