आकाश कंदील स्पर्धेत नैतिक मोरजकर प्रथम
swt423.jpg मध्ये फोटो आहे.
नैतिक मोरजकर
आकाशकंदील स्पर्धेत
नैतिक मोरजकर प्रथम
सकाळ वृत्तसेवा
बांदा, ता. ४ ः दीपावलीच्या निमित्ताने ज्येष्ठ नागरिक विकास मंच, बांदा पंचक्रोशी यांच्या वतीने चौदा वर्षांखालील मुलांसाठी आयोजित बांदा शहर मर्यादित पर्यावरणपूरक आकाशकंदील स्पर्धेत खेमराज मेमोरियल प्रशालेचा विद्यार्थी नैतिक मोरजकर याने प्रथम क्रमांक मिळविला.
या स्पर्धेचे वैशिष्ट्य म्हणजे सर्व आकाशकंदील पर्यावरणपूरक साहित्य वापरून स्पर्धकांनी स्वतः तयार केले होते. स्पर्धेला बालकांचा उत्स्फूर्त प्रतिसाद लाभला. विविध कल्पक आणि आकर्षक आकाशकंदिलांमध्ये नैतिकने माडाची झावळे व बांबूच्या काठ्या वापरून बनवलेला देखणा कंदील सर्वांचे लक्ष वेधून घेत प्रथम क्रमांक पटकावला. विजेत्या नैतिकला प्रकाश पाणदरे पुरस्कृत रोख एक हजार रुपये सन्मानचिन्ह देऊन गौरविण्यात येणार आहे. पारितोषिक वितरण समारंभ रविवारी (ता.९) सायंकाळी सहाला श्रीराम चौक, बांदा कट्टा कॉर्नर येथे होणार आहे. या प्रसंगी नागरिकांनी मोठ्या संख्येने उपस्थित राहून स्पर्धक बालकांना प्रोत्साहन द्यावे, असे आवाहन ज्येष्ठ नागरिक विकासमंच, बांदा पंचक्रोशी यांनी केले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.