पदव्युत्तर अभ्यासक्रमासाठी १० विद्यार्थ्यांची निवड

पदव्युत्तर अभ्यासक्रमासाठी
१० विद्यार्थ्यांची निवड
चिपळूण, ता. ९ : शरदचंद्रजी पवार कृषि व संलग्न महाविद्यालय, खरवते-दहिवली येथील १० विद्यार्थ्यांची डॉ. बाळासाहेब सावंत कोकण कृषि विद्यापीठात पदव्युत्तर अभ्यासक्रमासाठी निवड झाली आहे. नुकत्याच पार पडलेल्या पदव्युत्तर अभ्यासक्रम प्रवेश परीक्षेत या विद्यार्थ्यांनी यश संपादन केले.
पदव्युत्तर अभ्यासक्रमासाठी निवड झालेल्यांमध्ये प्रणाली नलावडे (कीटक शास्त्र विभाग), पवन यमगर (उद्यानविदया विभाग), अभिजीत शिंदे (वनस्पती शास्त्र), आकांक्षा पाटील (पशु शास्त्र विभाग), सुरवी सैंदाने (मृदा शास्त्र विभाग), अभिषेक डिसले (कृषि शास्त्र विभाग), पुजा गायकवाड (वनस्पती प्रजनन शास्त्र), दीप्ती राणे (कृषि विस्तार विभाग), अनिरुद्ध रांबाडे (उद्यान विद्या विभाग) व प्रज्ञा शिंदे (वनस्पती रोगशास्र विभाग) यांचा समावेश आहे. या सर्व विद्यार्थ्यांचे सह्याद्रि शिक्षण संस्थेचे कार्याध्यक्ष आमदार शेखर निकम, प्राचार्य डॉ. सुनितकुमार पाटील यांनी विशेष कौतुक केले.