मळगाव वाचनालयातर्फे २२ ला वक्तृत्व स्पर्धा

मळगाव वाचनालयातर्फे
२२ ला वक्तृत्व स्पर्धा
सकाळ वृत्तसेवा
सावंतवाडी, ता. १०ः मळगाव येथे (कै.) प्रा. उदय रमाकांत खानोलकर वाचन मंदिराच्या वतीने डॉ. अरविंद खानोलकर पुरस्कृत (कै.) डॉ. मालती दत्तात्रय खानोलकर स्मृती वक्तृत्व स्पर्धेचे आयोजन केले आहे. ही स्पर्धा २२ नोव्हेंबरला सकाळी १० वाजता ग्रंथालयाच्या रमाकांत सूर्याजी खानोलकर सभागृहात होईल. ही स्पर्धा शालेय विद्यार्थ्यांसाठी असून पाचवी ते सातवी आणि आठवी ते दहावी असे दोन गट ठेवण्यात आले आहेत. पाचवी ते सातवी गटासाठी ‘मला भावलेले छत्रपती शिवाजी महाराज’, ‘वाचाल तर वाचाल’, ‘निसर्ग माझा मित्र!’ हे विषय असून स्पर्धकांनी ४ ते ५ मिनिटे बोलायचे आहे. आठवी ते दहावी गटासाठी ‘मोबाईल-शाप की वरदान?’, ‘वस्त्रहरण’कार गंगाराम गवाणकर’ आणि ‘दैनंदिन जीवनात व्यायामाची गरज’ हे विषय असून स्पर्धकांना ५ ते ६ मिनिटे बोलायचे आहे. ही स्पर्धा सावंतवाडी, दोडामार्ग, कुडाळ, वेंगुर्ले तालुका मर्यादित आहे. एका गटातून जास्तीत जास्त ३ स्पर्धकांना शाळेमार्फत सहभाग घेता येईल. दोन्ही गटांतील प्रथम तीन क्रमांकाच्या विजेत्यांना अनुक्रमे १०००, ७५०, ५०० रुपये तसेच उत्तेजनार्थ प्रत्येकी २०० रुपये रोख रक्कम व प्रमाणपत्र देण्यात येणार आहे. स्पर्धकांना एस.टी. प्रवास खर्च व अल्पोपहार दिला जाईल. स्पर्धा आणि शाळांनी नोंदणी २१ नोव्हेंबरपर्यंत ग्रंथपाल आनंद देवळी यांच्याकडे करावी, असे आवाहन खानोलकर वाचन मंदिराने केले आहे.