सातार्डा येथे आज बक्षीस वितरण

सातार्डा येथे आज
बक्षीस वितरण
आरोंदा ः सातार्डा पंचक्रोशी टिळक ग्रंथालयाचा सुवर्ण महोत्सवी सांगता सोहळा उद्या (ता. ११) सकाळी दहाला श्री देव महापुरुष मंदिर सातार्डा येथे आयोजित करण्यात आला आहे. या ग्रंथालयातर्फे वर्षभर विविध उपक्रमांचे, कार्यक्रमांचे स्थानिकस्तर, तालुकास्तरीय आयोजन केले होते. या स्पर्धांना उपक्रमांना भरभरून प्रतिसाद मिळाला. वर्षभरातील आयोजित स्पर्धांचा बक्षीस वितरणाचा कार्यक्रम प्रमुख पाहुण्यांच्या उपस्थितीत होणार आहे. या कार्यक्रमाला स्पर्धक, वाचक, ग्रामस्थ, हितचिंतक यांनी मोठ्या संख्येने उपस्थित राहण्याचे आवाहन टिळक ग्रंथालयाने केले आहे.
---
जिल्हा परिषदेचा
वार्षिक अहवाल
सिंधुदुर्गनगरी ः सिंधुदुर्ग जिल्हा परिषदेचा २०२४-२५ चा वार्षिक प्रशासन अहवाल जिल्हा परिषदेने १५ ऑक्टोबरच्या प्रशासक सभेमध्ये ठराव क्रमांक ८३७ ने मंजूर केला आहे. हा अहवाल जिल्हा परिषद कार्यालय, सिंधुदुर्गनगरी येथील कार्यालयात कार्यालयीन वेळेत पाहावयास उपलब्ध असल्याची माहिती जिल्हा परिषेदचे मुख्य कार्यकारी अधिकारी रवींद्र खेबुडकर यांनी दिली.