निसर्गचित्रण स्पर्धेतील ११ चित्रांना पारितोषिकं

‘निसर्गचित्रण’मध्ये ११ चित्रांना पारितोषिक
सावर्डेत जिल्हास्तरीय स्पर्धा ; ७२ विद्यार्थ्यांचा सहभाग
सकाळ वृत्तसेवा
चिपळूण, ता. २० ः प्रा. डॉ. वासंती जोशी स्मृतिप्रीत्यर्थ ‘स्मृतिगंध’ या उपक्रमांतर्गत सह्याद्री स्कूल ऑफ आर्ट सावर्डे आणि कल्पवृक्ष आर्ट गॅलरी ग्वालियर यांच्या संयुक्त विद्यमाने आयोजित जिल्हास्तरीय निसर्गचित्रण स्पर्धेतील ७५ पैकी ११ उत्कृष्ट चित्रांची पारितोषिकासाठी निवड करण्यात आली.
सावर्डे व परिसरात घेण्यात आलेल्या स्पर्धेचे उद्‍घाटन व पारितोषिक वितरण ज्येष्ठ चित्रकार, शिल्पकार व कला महाविद्यालयाचे अध्यक्ष प्रा. प्रकाश राजेशिर्के, कोल्हापूरचे चित्रकार शिवाजी मस्के, कोल्हापूरचे सुलेखनकार राजेश हंकारे, पूजा निकम, अनिरुद्ध निकम, चित्रकार प्रवीण मिसाळ यांच्या उपस्थितीत झाले. ही स्पर्धा रत्नागिरी जिल्ह्यातील कला विद्यार्थ्यांसाठी घेण्यात आली. स्पर्धेसाठी ७२ विद्यार्थी सहभागी झाले होते. त्यांनी ७५ चित्रे विविध माध्यमात रेखाटली. या स्पर्धेत काढलेल्या ११ चित्रांना पारितोषिके देण्यात आली आहेत. त्यात सार्थक आदवडे, मिताली कुलकर्णी, अमर राऊळ, शिवम नलावडे, प्रथमेश लिंगायत, श्रेयस सर्वेकर,अल्मा सोलकर यांना प्रत्येकी तीन हजार रुपये देऊन पहिल्या क्रमांकाने गौरवण्यात आले. पंकज सुतार, आयुष्य कदम, सिद्धार्थ भोवड, सौरभ साठे यांना प्रत्येकी एक हजार रुपये देण्यात आले.