वारगाव शाळा दुरुस्तीसाठी माजी विद्यार्थ्यांचे योगदान
05693
वारगाव शाळा दुरुस्तीसाठी
माजी विद्यार्थ्यांचे योगदान
सकाळ वृत्तसेवा
तळेरे, ता. २० : वारगाव विकास मंडळ मुंबई संचलित, शेठ महादेव वि. केसरकर माध्यमिक विद्यालय वारगाव या प्रशालेच्या शालेय इमारतीच्या व्हरांड्याचे संपूर्ण काम माजी विद्यार्थ्यांच्या सहयोगातून करण्यात आले. यामुळे प्रशालेला नवे स्वरूप प्राप्त झाले आहे. जी विद्यार्थ्यांच्या मदतीबद्दल शाळेतर्फे आभार व्यक्त करण्यात आले. विद्यालयाच्या व्हरांड्यात लादी बसविणे, व्हरांड्याच्या पूर्ण कठड्यास कडप्पा बसविणे, पायऱ्यांना लादी बसविणे व व्हरांड्याच्या लादी पॉलिशचे काम माजी विद्यार्थ्यांच्या आर्थिक योगदानातून पूर्ण केले. यापूर्वीही माजी विद्यार्थ्यांनी शाळेची गरज ओळखून अनेक सोई सुविधा उपलब्ध करून दिल्या आहेत. माजी विद्यार्थ्यांच्या वतीने सुधीर शेट्ये, संदीप राऊत, महेंद्र केसरकर, महेश प्रभू, एकनाथ कोकाटे यांनी विशेष पुढाकार घेऊन हे काम पूर्ण करून घेतले. यापुढेही शाळेच्या सर्वांगीण प्रगतीसाठी सहकार्य करण्याची ग्वाही माजी विद्यार्थ्यांनी दिली. या सर्वांचे संस्था, प्रशाला यांच्या वतीने आभार व्यक्त करण्यात आले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.