शत दीपांनी उजळला बांदेश्वर मंदिर परिसर

06260

शत दीपांनी उजळला
बांदेश्वर मंदिर परिसर
सकाळ वृत्तसेवा
बांदा, ता. २३ ः येथील श्री बांदेश्वर भूमिका देवस्थानचा वार्षिक दीपोत्सव कार्यक्रम मोठ्या उत्साहात व भक्तिमय वातावरणात झाला. दरवर्षी देवदीपावलीला हा कार्यक्रम केला जातो. शेकडो भाविकांनी पेटविलेल्या दिव्यांच्या प्रकाशात मंदिराचा परिसर लख्ख उजळून गेला होता. मान्यवरांच्या उपस्थितीत दीपप्रज्वलन करून कार्यक्रमाची सुरुवात करण्यात आली. यावेळी देवस्थान समितीचे अध्यक्ष राजाराम ऊर्फ बाळू सावंत, माजी सभापती प्रमोद कामत, सरपंच प्रियांका नाईक यांच्यासह देवस्थानचे पदाधिकारी, मानकरी, ग्रामपंचायत सदस्य, मान्यवर तसेच असंख्य भाविक उपस्थित होते. भाविकांनी मोठ्या संख्येने बांदेश्वर भूमिका मंदिर परिसरात दीप प्रज्वलित केले. श्री बांदेश्वर भक्त महिला सेवेकरी मंडळींनी दिवे भरून देण्याचे काम केले. तसेच, मंदिरासमोर सुंदर रांगोळ्या रेखाटल्या. श्री बांदेश्वर भूमिका मंदिराचा परिसर दिव्यांच्या तेजाने उजळून गेला होता.