सावंतवाडीचा बाजार २ डिसेंबरला बंद

सावंतवाडीचा बाजार
२ डिसेंबरला बंद
सावंतवाडी ः शहरात सध्या पालिका सार्वत्रिक निवडणुकीची प्रक्रिया सुरू झाली आहे. शहरात मंगळवारी (ता. २) विविध प्रभागांत मतदान होणार आहे. या अनुषंगाने शहरातील मतदारांना आपला मतदानाचा हक्क बजावता यावा, मतदान सुरळीतपणे पार पडावे, तसेच शहरातील शांतता, कायदा व सुव्यवस्था राखण्याच्या दृष्टीने, मतदानादिवशी सावंतवाडीचा मंगळवारचा आठवडा बाजार बंद ठेवण्यात येणार आहे. सर्व व्यापारी, व्यावसायिक व नागरिकांनी याची नोंद घेऊन सहकार्य करावे, असे आवाहन सहायक निवडणूक निर्णय अधिकारी संतोष जिरगे यांनी केले आहे.