शेतकऱ्यांची थकबाकी आणि उद्योजकांना कर्जमाफी

...अन् उद्योजकांना कर्जमाफी
अबू आझमी ः चिपळूणमध्ये ‘सपा’चे दोघे रिंगणात
सकाळ वृत्तसेवा
चिपळूण, ता. २७ : शेतकरी मेला तर तुमच्या नशिबात एक दाणा नसेल. शेतकऱ्यांची थकबाकी राहिली तर तत्काळ कारवाई केली जाते आणि उद्योजकांना कोटींची कर्जमाफी दिली जाते, असा विरोधाभास समाजवादी पक्षाचे नेते अबू आझमी यांनी चिपळूण येथे सांगितले.
येथील पालिका निवडणुकीच्या रिंगणात असलेल्या सपाच्या दोन उमेदवारांच्या प्रचारासाठी प्रदेशाध्यक्ष अबू आझमी यांनी चिपळूणमध्ये सभा घेतली. त्यानंतर पत्रकार परिषदेत ते म्हणाले, सावंतवाडी येथे अल्पसंख्याक समाजाच्या तरुणाला छळ करून मारले. त्याच्यावर खोटे आरोप करण्यात आले. त्यावर सरकार काही बोलत नाही. देशात हिंदू-मुस्लिम यांच्यात द्वेष निर्माण केला जात आहे, असा आरोप अबू आझमी यांनी केला आहे.