बांदा केंद्रशाळेस सर्वसाधारण विजेतेपद

07414

बांदा केंद्रशाळेस सर्वसाधारण विजेतेपद

बाल क्रीडा महोत्सव; विविध स्पर्धांमध्ये विद्यार्थी चमकले

सकाळ वृत्तसेवा
बांदा, ता. ३० ः बांदा केंद्रात आयोजित ‘बाल कला क्रीडा, ज्ञानी मी होणार महोत्सव २०२५’ मध्ये पीएमश्री बांदा क्रमांक १ या शाळेने उत्कृष्ट कामगिरी करत सर्वसाधारण विजेतेपद मिळविले. विद्यार्थ्यांच्या उल्लेखनीय खेळ कौशल्यासोबतच शिक्षकांच्या मार्गदर्शनामुळे शाळेने हे यश मिळविले.
या स्पर्धेतील विविध क्रीडा प्रकारांत विद्यार्थ्यांनी यश मिळविले. लहान गटाचा निकाल असा ः १०० मीटर धावणे-शेखर बांदेकर(प्रथम), विधी वासानी (द्वितीय). ५० मीटर धावणे-अन्वी शिंदे (द्वितीय), लांब उडी-सीताराम परब (द्वितीय), उंच उडी-साईश गुळेकर (प्रथम), वसंत कामटेकर (द्वितीय). मोठ्या गटातील निकाल-१०० मीटर धावणे-शुभम झोरे (प्रथम), ऐश्वर्या पुजीर (द्वितीय), २०० मीटर धावणे-अमृता मिराशी (प्रथम). लांब उडी-आजम खान (प्रथम).
संघ स्पर्धांचे निकाल ः खो-खो (मोठा गट)-मुलगे व मुली विजेते, खो-खो (लहान गट)-मुलगे व मुली विजेते, कबड्डी (मोठा गट)-मुली विजेता संघ. ४×५० मीटर रिले स्पर्धा (लहान गट)-मुलगे व मुली विजेते, ४×१०० मीटर रिले स्पर्धा (मोठा गट)- मुलगे व मुली विजेते. ज्ञानी मी होणार-मोठा व लहान गट विजेता. समूहगीत-लहान व मोठा गट विजेता. या सर्व यशात शाळेच्या शिक्षकवर्गाचे मोलाचे योगदान लाभले. शिक्षक शांताराम असनकर, रंगनाथ परब, श्री. फर्नांडिस, अर्चना देसाई, मनीषा मोरे, कृपा कांबळे, स्नेहा घाडी, शिल्पा ठाकर व प्रसेनजित बोचे यांचे मार्गदर्शन विद्यार्थ्यांसाठी प्रेरणादायी ठरले.