खेडमध्ये चार जोडपी निवडणूक रिंगणात

खेडमध्ये चार दापंत्य निवडणूक रिंगणात
सकाळ वृत्तसेवा
खेड, ता. २९ : खेड नगरपालिका सार्वत्रिक निवडणुकीत चार दांपत्यांनी निवडणूक रिंगणात उडी घेतली आहे. त्यामध्ये नगराध्यक्षपदासाठी सपना ऋषिकेश कानडे रिंगणात आहेत. त्यांचे पती ऋषिकेश मनोहर कानडे हे प्रभाग ८ अ मधून नगरसेवकपदासाठी निवडणूक लढवत आहेत. ऋषिकेश कानडे हे महाराष्ट्र नवनिर्माण सेनेचे शहराध्यक्ष आहेत. ते सध्या शिवसेना उद्धव बाळासाहेब ठाकरे गटाकडून निवडणूक लढवत आहेत. प्रभाग १ ब मधून ओंकार विलास कुलकर्णी हे (उबाठा) गटातून निवडणूक रिंगणात आहेत. त्यांची पत्नी प्रभाग क्रमांक ६ अ मधून रूपाली ओंकार कुलकर्णी या (उबाठा) मधून निवडणूक लढवत आहेत. प्रभाग क्रमांक ८ ब मधून माजी नगरसेविका सुरभी सुनील धामणस्कर या (उबाठा) निवडणूक रिंगणात असून त्यांचे पती सुनील मनोहर धामणस्कर हे प्रभाग क्रमांक ९ ब (उबाठा) मधून निवडणूक लढवत आहेत. प्रभाग क्रमांक १० ब मधून कॉंग्रेसचे माजी नगरसेवक बशीर मुजावर निवडणूक लढवत आहेत. त्यांची पत्नी कॉंग्रेसच्या माजी नगरसेविका कौसर बशीर मुजावर या प्रभाग क्रमांक ७ ब मधून निवडणूक रिंगणात आहेत. प्रभाग क्रमांक ६ ब राष्ट्रवादी काँग्रेस अजित पवार गटमधून अनिल रामचंद्र सदरे यांनी निवडणुकीचा अर्ज मागे घेतला असून त्यांची पत्नी अपेक्षा अनिल सदरे या ६ अ मधून (राष्ट्रवादी काँग्रेस अजित पवार गट) म्हणून निवडणूक लढवत आहेत. या पतिपत्नीमध्ये कोण बाजी मारणार हे ३ डिसेंबरला ठरणार आहे.