स्मार्ट मीटर स्वीकारा डोळसपणे

स्मार्ट मीटर स्वीकारा डोळसपणे
अचूक रिडिंग नेमके बील यावरून वादंग

इंट्रो

वीज मीटर ''स्मार्ट''च्या नावाखाली प्रीपेड करण्याचे धोरण शासनाने स्वीकारले आहे. रत्नागिरी जिल्ह्यात महावितरण कंपनीकडून मोठ्या प्रमाणावर पारंपरिक वीज मीटर बदलून नवे स्मार्ट वीज मीटर बसवण्यावर भर दिलेला आहे. त्याला तेवढाच विरोधही होत आहे. ‘डीजिटल इंडिया’, ‘स्मार्ट ग्रीड’ यासारख्या घोषणांच्या पार्श्वभूमीवर हा बदल अत्याधुनिक तंत्रज्ञानाचा भाग मानला जात आहे; परंतु प्रत्येक बदलासोबत संधी आणि आव्हाने दोन्ही असतात. स्मार्ट मीटरच्या संदर्भातही एकीकडे अचूकता व कार्यक्षमता यांचे फायदे सांगितले जात असतानाच, दुसरीकडे ‘अन्याय व जादा वीज बिले’ याबाबतच्या ग्राहकांच्या तक्रारीही वाढत आहेत. या बदलाला सामोरे जाताना सर्वांनीच तटस्थ, माहितीपूर्ण आणि समतोल नजरेतून पाहिले पाहिजे. त्याचबरोबर तंत्रज्ञानातील त्रुटींमुळे कोणताही तोटा होणार नाही, याची काळजी घेणे हे महावितरणची जबाबदारी आहे. वाढता विरोध आणि त्याची कारणमिमांसा डोळसपणे करणे हितावह ठरेल !
- मुझफ्फर खान, चिपळूण