पडेल भावकादेवी मंदिराचा वर्धापनदिन सोहळा थाटात

08026

पडेल भावकादेवी मंदिराचा
वर्धापनदिन सोहळा थाटात

सकाळ वृत्तसेवा
देवगड, ता. २ : पडेल (ता.देवगड) येथील श्री भावकादेवी मंदिराचा ४९ वा वर्धापन दिन उत्साहात झाला. श्री भावकादेवी उत्सव मंडळातर्फे या कार्यक्रमाचे आयोजन केले होते. मंदिरात भाविकांनी दर्शनासाठी गर्दी केली होती.
मंदिर परिसरात यात्रा भरली होती. दुपारी भाविकांना महाप्रसादाचे वाटप करण्यात आले. मंदिरात दुपारी आरतीवेळी भाविकांची गर्दी झाली होती. त्यानंतर महिलांची ओटी भरण्यासाठी धांदल उडाली. मंदिर परिसरात भाविकांची दर्शनासाठी रांग लागली होती. मंदिरात दुपारी महाप्रसादाचे वाटप करण्यात आले. यावेळीही गर्दी होती. मंदिर परिसरात यात्रा भरल्याने सर्वत्र उत्साही वातावरण होते. मंदिरात सकाळी पूजा व लघुरुद्र असे कार्यक्रम झाले. दुपारी महाप्रसाद तर सायंकाळी स्थानिक भजने सुरू होती. दरम्यान, रात्री ढोलपथक तसेच डान्स अकादमी (कुडाळ) यांचा नृत्याविष्काराचा कार्यक्रम झाला. या कार्यक्रमाला रसिकांचा उत्स्फूर्त प्रतिसाद मिळाला.