बोवलेकरांचा निवृत्तीनिमित्त सत्कार
08195
बोवलेकरांचा निवृत्तीनिमित्त सत्कार
सकाळ वृत्तसेवा
सावंतवाडी, ता. ३ ः नेमळे पंचक्रोशी माध्यमिक व उच्च माध्यमिक विद्यालयाच्या प्राचार्या श्रीमती कल्पना बोवलेकर यांचा निवृत्तीनिमित्त सत्कार समारंभ संस्थेचे अध्यक्ष आ. भि. राऊळ यांच्या अध्यक्षतेखाली बुधवारी झाला.
या कार्यक्रमाला मुख्य कार्यकारी अधिकारी रमाकांत प्रभू तेंडोलकर, सचिव स. पा. आळवे, सरपंच दीपिका भैरे, माजी प्राचार्य दीपक साधले, शिक्षक भारतीचे प्रमुख कार्यवाह संजय वेतुरेकर, सौ.राऊळ, माजी विद्यार्थी संघाचे पदाधिकारी श्रीकृष्ण म्हाडेश्वर, तुकाराम गुडेकर, सामाजिक कार्यकर्ते दिलीप भैरे, आर. के. राठोड, सुभाष हळदणकर, भानुदास गावकर, जयंत वेंगुर्लेकर, गुरुदास वाघाटे उपस्थित होते.
यावेळी बोवलेकर यांचा शाल, श्रीफळ, पुष्पगुच्छ आणि चांदीची गणेशमूर्ती देऊन गौरव करण्यात आला. अध्यक्ष राऊळ म्हणाले, ‘बोवलेकर यांनी मुख्याध्यापक पदाची जबाबदारी अत्यंत परिणामकारकपणे सांभाळली. विद्यार्थ्यांनी विविध स्पर्धांमध्ये उत्कृष्ट यश मिळवले आणि शाळेचा निकालही उल्लेखनीय राहिला.’ संजय वेतुरेकर म्हणाले, ‘बोवलेकर यांनी विद्यार्थ्यांमध्ये माणुसकी, प्रेम आणि करुणेचे गुण रुजवले.’
श्रीमती बोवलेकर यांनी, आई-वडिलांनी दिलेले संस्कार आणि सहकाऱ्यांचे सहकार्य यामुळेच शाळेसाठी उत्तम सेवा देऊ शकले. विद्यार्थ्यांचे मिळालेले प्रेम आयुष्यभर जपेन, असे सांगितले. आर. के. राठोड यांनी स्वागत केले. नितीन धामापूरकर यांनी सन्मानपत्र वाचन केले. विद्यार्थ्यांनी शुभेच्छा संदेश सादर केले. अनिल कांबळे यांनी केले सूत्रसंचालन केले. पांडुरंग दळवी यांनी आभार मानले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.